အာဏာသိမ်းစစ်တပ်က ကရင်အမျိုးသားအစည်းအရုံး(KNU) တပ်မဟာ(၅) နယ်မြေအတွင်း မတ်လ (၂၇)နှင့် (၂၈) ရက်နေ့ နှစ်ရက်တာ လေကြောင်းမှ တိုက်ခိုက်မှုကြောင့် ဒေသခံ (၁၀၀၀၀) ကျော်မှာ ထိုင်းနယ်စပ်သို့ တိမ်းရှောင်နေရကြောင်း သိရသည်။

KNU တပ်မဟာ ၅ နယ်မြေဖြစ်သည့် မူတြော်ခရိုင် အုပ်ချုပ်မှု နယ်မြေအတွင်းရှိ ဒေပူးနိုကျေးရွာ၊ တနေးလူတောင်ကုန်းကျေးရွာ၊ ကလိုဘောထာကျေးရွာ၊ မောယူနီကျေးရွာ၊ သယ်ဘိုးပလောကျေးရွာ၊  သီးကောထာကျေးရွာနှင့် ဟိုကေကျေးရွာများမှ ဒေသခံများ ထွက်ပြေးတိမ်းရှောင်နေရခြင်းဖြစ်ကြောင်း သိရသည်။

လေကြောင်းမှ တိုက်ခိုက်မှုကြောင့် သေဆုံးဒဏ်ရာရသူများလည်းရှိနေကြောင်း သိရသည်။