စစ်ကိုင်းတိုင်း ကောလင်းမြို့ကို ဝန်းသိုမြို့ရှိ စစ်ကောင်စီတပ်က ယနေ့ ၂၀၂၄ ခုနှစ် ဇန်နဝါရီလ (၂)ရက်နေ့ နံနက်ပိုင်းတွင် လက်နက်ကြီးနှင့် ပစ်ခတ်မှုကြောင့် အရပ်သား (၈)ဦးထိမှန်ကာ (၆)ဦး သေဆုံးကြောင်း သိရသည်။

ဝန်းသိုမြို့ရှိ စစ်ကောင်စီတပ် ခမရ(၁၂၀)မှ လက်နက်ကြီးဖြင့် (၈)ကြိမ်ပစ်ခတ်ခဲ့ရာ ကောလင်းမြို့ အရှေ့ဈေးအတွင်းကျရောက် ပေါက်ကွဲပြီး ဈေးသူ၊ ဈေးသားများ ထိခိုက်သေဆုံးခဲ့ခြင်းဖြစ်ကြောင်း Kawlin Revolution -KRထံမှ သိရသည်။

414925813_394502733104194_9081901392315337134_n.jpg

လက်နက်ကြီးကြောင့် ဈေးဆိုင်များလည်း ပျက်စီးသွားခဲ့ပြီး အသေးစိတ်အချက်အလက်ကိုမူ မသိရသေးပါ။

ပြီးခဲ့သည့်နှစ် ၂၀၂၃ခုနှစ် ဒီဇင်ဘာလ (၃၀)ရက်နေ့ကလည်း ဝန်းသိုမြို့ရှိ စစ်ကောင်စီတပ် ခမရ(၁၂၀)မှ လက်နက်ကြီးဖြင့် ကောလင်းမြို့သို့ ပစ်ခတ်ခဲ့ရာ နေအိမ်တစ်လုံး မီးလောင်ပျက်စီးပြီး အရပ်သား (၂)ဦး ဒဏ်ရာရပြီး တစ်ဦးသေဆုံးခဲ့သည်။  

415296739_394502813104186_5565300619068835399_n.jpg

ထို့အပြင် ဒီဇင်ဘာလ (၂၈)ရက်နေ့တွင်လည်း လက်နက်ကြီးဖြင့် ကောလင်းမြို့ကို ပစ်ခတ်ခဲ့ခြင်းကြောင့် အရပ်သား(၄)ဦးနှင့် ဘုန်းကြီးတစ်ပါး ထိမှန်ဒဏ်ရာရရှိခဲ့သည်။

ဒဏ်ရာရသူများအနက် (၂)နှစ်အရွယ် ကလေးတစ်ဦး၊ (၈)နှစ်အရွယ် ကလေးတစ်ဦးအပါ (၃)ဦးတို့ သေဆုံးခဲ့ရသည်။

#TachileikNewsAgency

Photo: Kawlin Revolution-KR