ကရင်ပြည်နယ် ကော့ကရိတ်မြို့နယ် မြ၀တီ၊ သင်္ကန်းညီနောင် အခြေစိုက် စစ်ကောင်စီတပ် ခမရ (၃၅၆)တပ်ရင်းအား KNLA ပူးပေါင်းတပ်များက သိမ်းပိုက်လိုက်ပြီဖြစ်ကြောင်း KNUထံမှ သိရသည်။
အဆိုပါစခန်းကို KNLA နှင့် တော်လှန်ရေးပူးပေါင်းတပ်ဖွဲ့တို့မှ ၂၀၂၄ ခုနှစ် မတ်လ (၁၅)ရက်နေ့မှစတင် ၀င်ရောက်တိုက်ခိုက်ခဲ့ရာ ယင်းနေ့ ညနေပိုင်းတွင်ပင် စခန်းတစ်ခုလုံးအား အပြီးသတ် တိုက်ခိုက်သိမ်းပိုက်နိုင်ခဲ့သည်ဟု သိရသည်။
အဆိုပါ စခန်းသိမ်းတိုက်ပွဲတွင် စစ်ကောင်စီတပ်သား (၁၁)ဦး သေဆုံးပြီး MA-1 (၄)လက်၊ MA-3 (၄)လက်၊ ငါးကြင်းမြီး စက်လက်တစ်လက်၊ ငါးကြင်းမြီး ပြောင်းတိုတစ်လက်၊ 81 MM (ဗုံးသီး) (၄၂)လုံး၊ 60 MM (ဗုံးသီး) (၁၇)လုံး၊ 81 MM (နောက်ပွင့်ဗုံးသီး) (၂၆)လုံး၊ နင်းမိုင်း (အသေး) (၂၅)လုံး၊ အီနာဂါ (၆)လုံး၊ MA ကျည်ဘောက် (၇)ခု၊ MA ကျည်တောင့် (၁၂၀၀)တောင့်၊ လက်ပစ်ဗုံး (၃)လုံး၊ RPG အသီး(၃)လုံးနှင့် နင်းမိုင်း (အကြီး) (၂၇)လုံးတို့ကို သိမ်းဆည်းရရှိခဲ့သည်ဟု သိရသည်။
စခန်းသိမ်းတိုက်ပွဲအတွင်း KNLAနှင့် တော်လှန်ရေးပူးပေါင်းတပ်ဖွဲ့တို့မှလည်း ရဲဘော်(၅)ဦး ဒဏ်ရာရပြီး တစ်ဦးကျဆုံးခဲ့ကြောင်း သိရသည်။
ပြီးခဲ့သည့် ရက်ပိုင်းက သင်္ဃန်းညီနောင် ခမရ(၃၅၅)စခန်းကိုလည်း KNLA ပူးပေါင်းတပ်များက တိုက်ခိုက်သိမ်းပိုက်ခဲ့ပြီး စစ်ကောင်စီတပ်သား (၁၉)ဦးသေကာ တော်လှန်ရေးရဲဘော် (၆)ဦး ကျဆုံးခဲ့ရကြောင်း သိရသည်။
#TachileikNewsAgency
Photo: Dooplaya District
