မွန်ပြည်နယ်၊ ရေးမြို့နယ်၊ မော့ကနင်ရွာအနီးတွင် ဆိုင်ကယ်နှင့်ထွက်လာသည့် အာဏာသိမ်း စစ်ကောင်စီတပ်သားများ ၂၀၂၃ခုနှစ်၊ ဇန်နဝါရီလ(၂၀)ရက်၊ နံနက်ပိုင်းက ပစ်ခတ်ခံရပြီး (၅)ဦးသေကာ လက်နက် (၃)လက်သိမ်းဆည်းရရှိခဲ့ကြောင်း ရေးပြောက်ကျားတပ်ဖွဲ့ဖြစ်သည့် Ye Guerrilla Force - YGF က သတင်းထုတ်ပြန်ထားသည်။
အဆိုပါ တပ်သားများမှာ ရေးမြို့နယ်အခြေစိုက် စစ်ကောင်စီတပ်၏ အမှတ်(၃၁၇) အမြောက်တပ်မှ ဆိုင်ကယ်နှင့်ထွက်လာသည့် စစ်ကောင်စီတပ်သားများဖြစ်ကြောင်းနှင့် Ye Guerrilla Force က ပစ်ခတ်တိုက်ခိုက်ခဲ့ခြင်းဖြစ်ကြောင်း သိရသည်။
အသေးစိတ်အချက်အလက်ကို Ye Guerrilla Force က ထုတ်ပြန်ခြင်း မရှိသေးပေ။
Ye Guerrilla Force နှင့် ပူးပေါင်းတပ်များသည် ဇန်နဝါရီလ (၁၈)ရက်နေ့ကလည်း သံဖြူဇရပ်မြို့နယ်၊ ထင်းရှုးကျေးရွာအခြေ စိုက်(င)အဆင့်နယ်မြေရဲစခန်းအား ဝင်ရောက် စီးနင်းတိုက်ခိုက်ခဲ့သေးကြောင်း သိရသည်။
#TachileikNewsAgency
