ချင်းပြည်နယ်၊ ဖလမ်းမြို့နယ်ရဲတပ်ဖွဲ့မှ ရဲတပ်ဖွဲ့ဝင် (၆) ဦး PDF Zoland နှင့် ဆက်သွယ်ကာ ယခုတစ်ပတ်အတွင်း လက်နက်အပြည့်အစုံဖြင့် ပြည်သူနှင့် လာရောက်ပူးပေါင်းလာကြောင်း PDF Zoland က ယနေ့မတ်လ(၁၃)ရက်နေ့တွင် သတင်းထုတ်ပြန်လာသည်။

၎င်းတို့သည် မတ်လ(၆)ရက်နေ့က လာရောက်ပူးပေါင်းကြခြင်းဖြစ်ပြီး ဒုတပ်ကြပ်တစ်ဦးနှင့် ရဲတပ်သား(၄)ဦးပါဝင်ကာ ကျန်တစ်ဦး၏ ရာထူးကိုဖော်ပြထားခြင်း မရှိပေ။

ပူးပေါင်းလာသူများမှာ ရဲဒုတပ်ကြပ် Thian Biak Piang (ထျန်ဘေ(ပ်)ပြန်)နှင့် ရဲတပ်သားများဖြစ်သည့် Lal Thian Thang (လာင်ထျန်ထန်း) ၊ Thang Cuan Mang (ထန်းကြွန်မန်း) Kam Deih Pau၊ Thang Dim (ထန်းဒိမ်)နှင့် Khup Sawm Mung တို့ ဖြစ်ကြောင်း သိရသည်။