ချင်းပြည်နယ်၊ ကန်ပက်လက်မြို့၊ မောချောင်းရွာနှင့် မဆာတွီရွာအကြားတွင် အကြမ်းဖက်စစ်ကောင်စီတပ်နှင့် CDF Kanpetlet တို့ ယနေ့ဖေဖော်ဝါရီလ (၂၇)ရက်နေ့တွင် တိုက်ပွဲဖြစ်ပွားပြီး စစ်ကောင်စီတပ်ဘက်က(၂)ဦးသေပြီး (၃)ဦး ဒဏ်ရာရရှိသွားကြောင်း CDF Kanpetlet က သတင်းထုတ်ပြန်လာသည်။

၎င်းတိုက်ပွဲတွင် CDF Kanpetlet ရဲဘော်များ အထိအခိုက်မရှိ ပြန်လည်ဆုတ်ခွါနိုင်ခဲ့ပြီး အကြမ်းဖက်စစ်ကောင်စီများသည် ညပိုင်းတွင် မဆာတွီကျေးရွာ၌ တပ်စွဲထားကြောင်း သိရသည်။

လက်ရှိအခြေအနေများကြောင်း ပြည်သူများအနေဖြင့် ကျင်ဒွေး နှင့် လောင်းရှည်လမ်းမကြီးကို အသုံးပြုသွားလာခြင်း မပြုလုပ်ကြရန်နှင့် တိုက်ပွဲဆက်လက် ဖြစ်နိုင်သဖြင့် မလိုအပ်ဘဲ စစ်ရေးသတင်းများကို လူမှုကွန်ရက်စာ မျက်နှာပေါ် ဖြန့်ဝေခြင်း မပြုလုပ်ရန် အသိပေး မေတ္တာရပ်ခံထားသည်။