စစ်ကိုင်းတိုင်း၊ ကနီမြို့နယ်အတွင်း မိုးကောင်းကျေးရွာတွင် မတ်လ(၂)ရက်နေ့က အကြမ်းဖက် စစ်ကောင်စီတပ် နှင့် အမိမြေ တော်လှန်ရေးတပ်ဖွဲ့တို့ တိုက်ပွဲဖြစ်ပြီး စစ်ကောင်စီတပ်သားများ သေဆုံးမှုရှိကြောင်း တော်လှန်ရေးတပ်များထံမှ သိရသည်။
ကနီမြို့နယ်နှင့် ယင်းမာပင်မြို့နယ်အစပ်ရှိ မိုးကောင်းကျေးရွာတွင် နံနက်ပိုင်းမှ နေ့လယ်ပိုင်းအထိ တိုက်ပွဲအပြင်းအထန်ဖြစ်ပွားခဲ့ခြင်း ဖြစ်ကြောင်း သိရသည်။
ယင်းတိုက်ပွဲတွင် ပြည်သူ့ကာကွယ်ရေးတပ်ဖွဲ့ဘက်က ထိခိုက်ကျဆုံးသူများ မရှိခဲ့ဟု သိရသည်။
ကနီမြို့နယ် မိုးကောင်းကျေးရွာမှ အကြမ်းဖက်စစ်ကောင်စီတပ်များသည် ယနေ့ မတ်လ(၃)ရက်နေ့ နံနက်ပိုင်းတွင် လင်းပုန်းရည်ကျေး ရွာသို့ရောက်ရှိကာ တပ်စွဲထားကြောင်း သိရသည်။
Video: အမိမြေ တော်လှန်ရေးတပ်ဖွဲ့
