စစ်ကိုင်းတိုင်းဒေသကြီး၊ မြင်းမူမြို့နယ် သာယာပေါင်းရွာနှင့် လက္ကပင်ရွာကြားရှိ မိုင်တဲ တာဝါတိုင်ကို ဒေသကာကွယ်ရေးအဖွဲ့ (၈)ဖွဲ့ပေါင်း၍ ၂၀၂၁ ခုနှစ်၊ အောက်တိုဘာလ (၂၉) ရက်နေ့တွင် ဖြိုလှဲလိုက်ကြောင်း သိရသည်။
အာဏာသိမ်းစစ်ကောင်စီကို အားပေးအားမြှောက်ပြုနေသည့် ထောက်တိုင်မှန်သမျှ ဖြိုလှဲမည်ဟု ဒေသကာကွယ်ရေးအဖွဲ့က ပြောကြားထားသည်။
ဒေသကာကွယ်ရေးအဖွဲ့များဖြစ်ကြသည့် Black Eagle Defense Force ၊ Myin Mu Defence Force ၊ မြင်းမူလျှပ်စီးပြောက်ကျားအဖွဲ့ ၊ People Defence Force Myinmu –MMPDF ၊ မြောင်မြို့နယ် ပြည်သူ့ကာကွယ်ရေးနှင့်လုံခြုံရေးအဖွဲ့-CDSOM ၊ Myaung Women Warriors-M2W ၊ Myaung Union Army- MUA နှင့် Myaung Special People’s Defense Force – MSPDF မဟာမိတ်အဖွဲ့များပေါင်းပြီး လုပ်ဆောင်ခြင်းဖြစ်သည်ဟု သတင်းထုတ်ပြန်ထားသည်ကို တွေ့ရသည်၊
စစ်တပ်က နိုင်ငံ့အာဏာသိမ်းလိုက်ပြီးနောက် စစ်တပ်နှင့် ဆက်စပ်စီးပွားရေးလုပ်ငန်းများအား ပြည်သူများက အသုံးမပြုသည့်သပိတ်ပြုလုပ်လာကြခြင်းဖြစ်သည်။
