~~~~~~~~⊰❂ unicode ❂⊱~~~~~~~~

ကျပ်သိန်းပေါင်း တစ်သောင်းကျော်ခန့်မှန်းထားသည့် တာချီလိတ်မြို့မသုဿန်သစ်တည်ဆောက်ရေး ကော်မတီဖွဲ့စည်း
***********
ရှမ်းပြည်နယ်(အရှေ့ပိုင်း) တာချီလိတ်မြို့တွင် ကျပ်သိန်းပေါင်း(၁၀၀၀၀)ကျော်ကုန်ကျမည်ဟု ခန့်မှန်းထားသည့် မြို့မသုဿန်နှင့် မီးသြင်္ဂ ိုလ်စက်တည်ဆောက်ရေး လုပ်ငန်းကော်မတီဖွဲ့စည်း ဆောင်ရွက်နေပြီး အဆိုပါကော်မတီ၏ နာယက (၇)ဦးတွင် ရှမ်းပြည်နယ်စည်ပင်သာယာရေးဝန်ကြီး ဦးစိုင်းစွံဆိုင်းလည်း ပါဝင်ကြောင်း သိရသည်။

ပြည်သူလူထုထည့်ဝင်ငွေဖြင့်တည်ဆောက်မည့် မြို့မသုဿန်သစ်ဖြစ်မြောက်ရေးကော်မတီကို ၂၀၁၈ ခုနှစ်၊ နိုဝင်ဘာလ (၁၅)နေ့က ဖွဲ့စည်းလိုက်ရာတွင် ရှမ်းပြည်နယ်စည်ပင်သာယာရေးဝန်ကြီး၊ တာချီလိတ်မြို့မှ အမျိုးသားလွှတ်တော်ကိုယ်စားလှယ်၊ ပြည်သူ့လွှတ်တော်ကိုယ်စားလှယ်၊ ပြည်နယ်လွှတ်တော်ကိုယ်စားလှယ်၊ ခရိုင်အုပ်ချုပ်ရေးမှူး၊ ခရိုင်ရဲတပ်ဖွဲ့မှူးနှင့် အဆိုပါမီးသဂြိုလ်စက်နှင့်သုဿန်တည်ဆောက်ရေးအတွက် မတည်အလှူရှင်ဖြစ်သည့် တပင်ရွှေထီးကုမ္ပဏီမှ ဦးအာဖာတို့က ဆောင်ရွက်ကြမည်ဖြစ်ကြောင်း သိရသည်။

လုပ်ငန်းကော်မတီ၏ ဥက္ကဌအဖြစ် ခရိုင်ရဲတပ်ဖွဲ့မှူးရုံးမှ ဒုရဲမှူးစံသိန်းက တာဝန်ယူထားပြီး ဥက္ကဌအပါအဝင် စုစုပေါင်း (၂၂)ဦးဖြင့် လုပ်ငန်းဆောင်ရွက်မည်ဖြစ်ကြောင်း သိရသည်။

တာချီလိတ်မြို့မသုသာန်အတွင်း  မီးသဂြိုလ်စက်(၂) လုံး ထားရှိမည့် အဆောက် အဦး တည်ဆောက်ခြင်း ၊ လူ(၃၀၀)ဆန့် တရားနာ ဓမ္မာရုံ ဇရပ်တည်ဆောက်ခြင်း ၊ သန့်စင်ခန်း(၂၀)လုံး ၊အရိုးအိုး ထားရှိမည့် ဂူနံရံများတည်ဆောက်ခြင်း ၊တောင်တတ်လမ်း တည်ဆောက်ခြင်း ၊ သစ်ပင်များ စိုက်ပျိုးခြင်း နှင့် ပန်းဥယျဉ် များ တည်ဆောက်ခြင်း တို့ အား စနစ်တကျဆောင်ရွက်နိုင်ရေး အတွက် လုပ်ငန်းကော်မတီ အား ခရိုင်ရဲတပ်ဖွဲ့မှူး ရုံးမှ ဒုရဲမှူးစံသိန်း ဦးဆောင်၍ အဖွဲ့ဝင် (၂၂) ဦး  နှင့် နာယက (၇) ဦးဖြင့် ဖွဲ့စည်း လိုက်ခြင်း ဖြစ်သည်။
လက်ရှိ မြို့မသုဿန်မှာ လူနေရပ်ကွက်အနီးဖြစ်နေပြီး မီးသဂြိုလ်စက်တည်ဆောက်ရန် နေရာအခက်အခဲ ရှိသဖြင့် တာချီလိတ်မြို့ ပုံလို့တောရကျောင်းတိုက်၏ ဦးစီး နာယကဆရာတော် အဘိဝိသေသလဇ္ဇိပေသလ သာသနာလင်္ကာရ၊ မဟာသဒ္ဓမ္မဇောတိကဓဇ ဘဒ္ဒန္တပညာစာရ အဂ္ဂဓမ္မကလှူဒါန်းသည့် မြို့နှင့် (၂)မိုင်ခန့်အကွာရှိ မြေ (၁၆)ဧကတွင် မီးသဂြိုလ်စက်(၂)လုံး၊  အရိုးပြာမြုပ်နှံသည့်အဆောက်အဦများ၊ မြေယာရှုခင်းပြင်ဆင်ခြင်းများဖြင့်  ၂၀၁၈ ခုနှစ်၊ နိုဝင်ဘာလ (၂၆)ရက်နေ့မှ စတင်ပန္နက်ရိုက်ဆောင်ရွက်နေခြင်းဖြစ်သည်။

တာချီလိတ်မြို့တွင် လက်ရှိအသုံးပြုနေသည့် မြို့မသုဿန်မှာ လူနေအိမ်ခြေများနှင့် နီးကပ်နေပြီး ကားတာယာ ဟောင်းများဖြင့် မီးရှို့သဂြုႋလ်နေရသဖြင့် ပတ်ဝန်းကျင်အနှောင့်အယှက်ဖြစ်နေရကာ နဂါးနှစ်ကောင်ဆရာတော်၏ မီးသဂြိုလ်စက်မှာလည်း စည်ပင်သာယာရေးဦးစီးဌာနနှင့် မသက်ဆိုင်သည့်အတွက် အများပြည်သူအသုံးပြုခွင့်မရှိသဖြင့် မြို့အတွက် လိုအပ်နေသည့် မီးသဂြိုလ်စက်ပါဝင်သည့် သုဿန်ကို မြို့လူထုထည့်ဝင်ငွေဖြင့် သက်ဆိုင်ရာဌာနတို့က ဆောင်ရွက်နေခြင်းဖြစ်ကြောင်း သိရသည်။
Tachileik News Agency