ရှမ်းပြည်နယ်တောင်ပိုင်း ညောင်ရွှေမြို့နယ် အင်းလေးဒေသ ရေပူကျေးရွာအနီးတိုက်ပွဲမှ စစ်ကောင်စီလက်အောက်ခံ ပအိုဝ်းပြည်သူ့စစ်(PNO) တပ်ဖွဲ့ဝင် (၄)ဦးအား ဖမ်းဆီးရမိသည့်ရုပ်သံကို အင်းလေးပြည်သူ့ကာကွယ်ရေးတပ်(IPDF)က ယနေ့ ၂၀၂၅ခုနှစ် ဖေဖော်ဝါရီလ(၂၀)ရက်နေ့တွင် ထုတ်ပြန်သည်။

ဖေဖော်ဝါရီလ(၁၆)ရက်နေ့က ရေပူကျေးရွာအနီးသို့ အင်အား(၁၀၀)ကျော်ဖြင့် ထိုးစစ်ဆင်လာသည့် PNO တပ်များကို အင်းလေးပြည်သူ့ကာကွယ်ရေးတပ်(IPDF) အမှတ်(၁၀၀၉)တပ်ရင်းနှင့် မဟာမိတ်တပ်များဖြစ်သော ပျားစစ်ကြောင်း၊ ဖယ်ခုံမြို့နယ် ပြည်သူ့ကာကွယ်ရေးတပ်ရင်း (၂) PK-PDF-2 အမှတ်(၁၀၀၆)တပ်ရင်းနှင့် အလယ်ပိုင်းတိုင်း အထူးစစ်ဆင်ရေးတပ်ဖွဲ့များက ပူးပေါင်းတိုက်ခိုက်ခဲ့ကြခြင်းဖြစ်သည်။

တိုက်ပွဲအတွင်း စစ်ကောင်စီတပ်တပ်ဘက်က လေယာဉ်ဖြင့် (၃)ကြိမ်၊ လက်နက်ကြီးဖြင့် အကြိမ်ရေ (၅၀)ခန့် ပစ်ကူပေးခဲ့သော်လည်း မဟာမိတ်တပ် ရဲဘော်များ အထိအခိုက်မရှိခဲ့ဟု ဆိုသည်။

အဆိုပါတိုက်ပွဲအတွင်း PNO တပ်ဖွဲ့ဝင်(၅)ဦးထက်မနည်း သေဆုံးခဲ့ပြီး (၄)ဦး အရှင်ဖမ်းဆီးရမိကာ ‌လက်နက်(၅)လက်၊ ကျည်ဘောက်(၉)ခုနှင့် ကျည်တချို့ကို သိမ်းဆည်းရရှိခဲ့သည်ဟု သိရသည်။

#TachileikNewsAgency

Video:Battalion 1009:Inle People's Defence Force-IPDF