ဟားခါးမြို့မရဲစခန်းကို CDF ဟားခါးဝင်တိုက်ပြီး အကျဉ်းသားများကို ကယ်ထုတ်
ချင်းပြည်နယ် ဟားခါးမြို့မရဲစခန်းကို CDF ဟားခါးက တိုက်ခိုက်သိမ်းပိုက်ရာ ရဲ(၄)ဦးသေပြီး အကျဉ်းသား(၆၂)ဦးကို ကယ်ထုတ်နိုင်ခဲ့သည်ဟု သိရသည်။
ယနေ့ ၂၀၂၄ ခုနှစ် ဇူလိုင်လ(၂၀)ရက်နေ့ နံနက်ပိုင်းက Operation Rung အမည်ဖြင့် ဟားခါးမြို့မရဲစခန်းကို ဝင်ရောက်တိုက်ခိုက်ခြင်းဖြစ်သည်ဟု Chinland Defense Force-Hakha ထံမှ သိရသည်။
တိုက်ခိုက်မှုတွင် ရဲ(၄)ဦးသေပြီး အများအပြားဒဏ်ရာရကာ လက်နက်ခဲယမ်းများလည်း သိမ်းဆည်းရရှိခဲ့ပြီး အကျဥ်းသား(၄၉)ဦးနှင့် အကျဉ်းသူ(၁၃)ဦးတို့ကို ကယ်တင်နိုင်ခဲ့သည်ဟု သိရသည်။
ထို့အပြင် ရဲစခန်းအတွင်းမှ လက်နက်(၂၃)လက်နှင့် ကျည်အများအပြား သိမ်းဆည်းရရှိသည်ဟုလည်း သိရသည်။
#TachileikNewsAgency
Photo: CDF Tonzang Supporters Group
