သပိတ်ကျင်းမြို့နယ် ကိုးပင်ကျေးရွာအနီး၌ စစ်ကောင်စီတပ်မှ သတ်ဖြတ်သွားသည့် အရပ်သား(၃)ဦး အလောင်းများတွေ့
မန္တလေးတိုင်း သပိတ်ကျင်းမြို့နယ် ကိုးပင်ကျေးရွာအနီး၌ စစ်ကောင်စီတပ်မှ သတ်ဖြတ်သွားသည့် အရပ်သား(၃)ဦးအလောင်းများကို ၂၀၂၃ခုနှစ် ဇွန်လ(၁၅)ရက်နေ့ နံနက်ပိုင်းက တွေ့ရှိခဲ့ကြောင်း သိရသည်။
သေဆုံးသူများမှာ အမျိုးသားများဖြစ်ပြီး ကိုးပင်ရွာအနီးမှ ဒေသခံများမဟုတ်ဘဲ စစ်ကောင်စီတပ်များ ဖမ်းဆီးလာသူများဖြစ်ကာ မည်သည့်ကျေးရွာကဆိုသည်ကို မသိရသေးဟု Thabeikkyin Revolution-TR က ယနေ့ဇွန်လ(၁၆)ရက်နေ့တွင် ဖော်ပြထားသည်။
ဒေသခံများ၏ပြောဆိုချက်အရ စစ်ကောင်စီတပ်သားများသည် မိုင်းထောင်သွားစဥ် အဆိုပါအမျိုးသား(၃)ဦးကို ခေါ်ဆောင်လာခဲ့ကာ မိုင်းပစ္စည်များ သယ်ခိုင်းကြောင်းနှင့် ထောင်ပြီးသည့်အခါ နှုတ်ပိတ်သည့် အနေဖြင့် ပစ်သတ်သွားခြင်းဖြစ်သည်ဟု ဆိုသည်။
#TachileikNewsAgency
