စစ်ကိုင်းတိုင်း၊ ရွှေဘိုမြို့နယ်၊ တပင်ခေါင်းရွာနှင့် ကျားရွာကို မီးရှို့ဖျက်ဆီးခဲ့သည့် အာဏာသိမ်းစစ်ကောင်စီတပ်အား တိုက်ခိုက်ရာ စစ်ကောင်စီတပ်သား (၃၀)ဝန်းကျင်သေကြောင်း C&T SHWEBO က ယနေ့ မေလ(၄)ရက်တွင် သတင်းထုတ်ပြန်လာသည်။
ဇီးဖြူကုန်းရွာနှင့် ဆိပ်ခွန်ရွာကြားတွင် မဟာမိတ်တပ်ပေါင်းစုများ ဖြစ်သည့် SNAKE EYES PDF ၊ C&T SHWEBO ၊ ဒေါင်းမာန် ၊ ဗိုလ်ကျားရိုင်း ပ က ဖ၊ Alpha 7၊ မဟူရာဇီးကွက်(ဒီပဲယင်း)၊ ပြုံးရွှင်(ဒီပဲယင်း)၊ အရာတော်ရွှေဂျိုးဖြူ၊ People Defense Force Shwebo နှင့် B F D F နဂါးတပ်စုတို့မှ စစ်ကြောင်းထိုးလာသည့် စစ်ကောင်စီတပ်ကို တိုက်ခိုက်ခဲ့ခြင်းဖြစ်သည်။
ယင်းတိုက်ပွဲတွင် စစ်ကောင်စီတပ်က ရမ်းသမ်းပစ်ခတ်လိုက်သည့် လက်နက်ကြီးကျည်ထိမှန်၍ ပြည်သူ (၃)ဦးသေဆုံးကာ (၆)ဦး ဒဏ်ရာရရှိခဲ့ပြီး စစ်ကောင်စီတပ်က လူသားဒိုင်းကာထားသည့်အတွက် တပ်ပေါင်းစုမဟာမိတ်အဖွဲအစည်းများ ပြန်လည်ဆုတ်ခွာလာခဲ့ရကြောင်း သိရသည်။
