စစ်ကိုင်းတိုင်းဒေသကြီး၊ တန့်ဆည်မြို့နယ်အတွင်းရှိ ကျေးရွာအုပ်စု(၂)စုထဲက Mytel တာဝါတိုင် (၂)တိုင် စက်တင်ဘာလ(၈)ရက်နေ့ ညပိုင်းက ဖောက်ခွဲဖျက်ဆီးခံလိုက်ရ၍ မီးလောင်ပျက်စီးသွားကြောင်း သိရသည်။
တန့်ဆည်မြို့ ကုန်စွာကျေးရွာအုပ်စု၊ ထောင်သွင်း ကျေးရွာအနီးရှိ Mytel တာဝါတိုင် နှင့် လယ်တီးကျေးရွာအုပ်စုအတွင်း ကံသစ်ကျေးရွာ အရှေ့ဘက်မှ Mytel တာဝါတိုင်တို့ ဖောက်ခွဲဖျက်ဆီးခံရခြင်း ဖြစ်သည်။
တန့်ဆည်မြို့နယ်အတွင်း ယခု ရက်ပိုင်းအတွင်း၌ အာဏာသိမ်းစစ်တပ်၏ အကျိုးစီးပွားလုပ်ငန်းတစ်ခုဖြစ်သည့် Mytel ၏ တာဝါတိုင်များနှင့်စက်ခံများ ဖောက်ခွဲဖျက်ဆီးခံရမှုမှာ အနည်းဆုံး (၁၀)နေရာအထက် ရှိနေကြောင်း ဒေသခံများထံက သိရသည်။
video: CJ
