ထိုင်းနိုင်ငံ နှင့် နီးစပ်သည့် ကရင်ပြည်နယ်အတွင်း ကော်သူးလေတပ်တော်(KTLA)နယ်စပ်ဒေသတွင် လျှပ်စစ်မီး၊ လောင်စာဆီ၊ သကြားနှင့် ဆားတင်သွင်းမှုအား ပိတ်ဆို့ကြောင်း ကော်သူးလေတပ်တော်က  ၂၀၂၅ခုနှစ် ဖေဖော်ဝါရီလ(၁၀)ရက်နေ့ ရက်စွဲဖြင့် ထုတ်ပြန်အသိထားသည်။

ထိုင်းအစိုးရနှင့် နိုင်ငံတချို့မှ ကော်သူးလေ - ထိုင်းနယ်စပ်ရှိ ကမ္ဘာ့ကုလသမဂ္ဂ ဥပဒေများ၊ လူ့အခွင့်အရေးနှင့် ဆန့် ကျင်နေသော အွန်လိုင်းငွေကြေးလိမ်လည်မှုများ၊ လူကုန်ကူးမှုများ၊ လောင်းကစားရုံတည်ထောင်ခြင်းများကို ပိတ်ဆို့၍ လျှပ်စစ်မီး၊ လောင်စာဆီများ၊ သကြားများ၊ ဆားများ ပို့ဆောင်တင်သွင်းမှုများကို ပိတ်ဆို့အရေးယူနေ သည်ဟု ဆိုသည်။

ထို့ကြောင့် ကော်သူးလေတပ်တော် စစ်ဘက်ရေးရာ ခေါင်းဆောင်များ၊ စစ်သည်များမှ ကော်သူးလေ-ထိုင်းနယ် စပ်တွင် လျှပ်စစ်မီးများ၊ လောင်စာဆီများ၊ သကြားများ၊ ဆားများကို များပြားစွာ ပို့ဆောင်တင်သွင်းမှုများကို တိကျစွာ စစ်ဆေး၍ နယ်စပ်တွင် ယင်းသို့တင်သွင်းမှုများမပြုလုပ်နိုင်ရန် ထိထိရောက်ရောက် အရေးယူဆောင် ရွက်သွားရမည်ဟု ထုတ်ပြန်ထားသည်။

အဆိုပါကိစ္စနှင့်ပတ်သက်ပြီး Tachileik News Agency က KTLA ထံ ဆက်သွယ်မေးမြန်းထားဆဲဖြစ်သည်။

ကော်သူးလေတပ်မတော်(KTLA) သည် ကရင်အမျိုးသား အစည်းအရုံး(KNU)မှ ခွဲထွက်ကာ တည်ထောင်ထား သော တိုင်းရင်းသားလက်နက်ကိုင်တပ်ဖွဲ့ ဖြစ်သည်။

ကရင်အမျိုးသားကာကွယ်ရေးတပ်ဖွဲ့ (KNDO)၏ စစ်ဦးစီးချုပ်ဟောင်း ဗိုလ်မှူးချုပ် စောနယ်ဒါးမြ က ကရင် အမျိုးသားအစည်းအရုံးမှ ခွဲထွက်ပြီး "ကော်သူးလေတပ်မတော်"ကို တည်ထောင်ကြောင်း ၂၀၂၂ ခုနှစ် ဇူလိုင်လ ၁၆ ရက်နေ့တွင် ကြေညာခဲ့သည်။

လက်ရှိတွင် ကရင်ပြည်နယ်၊ တနင်္သာရီတိုင်းတို့တွင် စစ်ရေးလှုပ်ရှားခြင်းများရှိပြီး စစ်ကောင်စီနှင့် တိုက်ပွဲများ ဖြစ်ပွားသလို KNU တပ်များနှင့်လည်း ပြန်လည်တိုက်ပွဲဖြစ်ပွားသည်။