ရန်ကုန်တိုင်း လှိုင်မြို့နယ်တွင် ရွှေသေတ္တာများကို လုယက်သွားသည့်ဖြစ်စဉ်များ ဖြစ်ပွားခဲ့ပြီးနောက် ဒုစရိုက်လုယက်မှုများအား ကာကွယ်နိုင်ရန် ရွှေဆိုင်ပိုင်ရှင်များအနေဖြင့် လုံခြုံရေး ကြိုတင်ပြင်ဆင်ကြရန် ရန်ကုန်တိုင်းဒေသကြီး ရွှေလုပ်ငန်းရှင်များအသင်းမှ သတိပေးချက်ထုတ်ပြန်သည်။

ရန်ကုန်တိုင်းအတွင်း ရွှေဆိုင်ပိုင်ရှင်များအနေဖြင့် မိမိရွှေဆိုင်များတွင် CCTV များတပ်ဆင်ထားသည့်အတိုင်း မိမိတို့ နေထိုင်သည့် အိမ်နေရာပတ်ဝန်းကျင်နှင့် ကားပါကင်နေရာများတွင် CCTV Camera များတပ်ဆင်ခြင်း ၊ အ‌ရေးပေါ် Alarm Bell များ တပ်ဆင်ခြင်း၊ မိမိတို့ ရွှေ၊ငွေ သယ်ဆောင်သည့် ကားများတွင် Camera များ တပ်ဆင်ခြင်း ၊ GPS စနစ်များ ထားရှိခြင်းတို့ကို ကြိုတင်ပြင်ဆင်ထားပြီး ဒုစရိုက်လုယက်မှုများ မဖြစ်ပေါ်အောင် ကာကွယ်နိုင်ကြောင်း ရွှေလုပ်ငန်းရှင်များအသင်းမှ သတိပေးသည်။

၂၀၂၄ ခုနှစ် အောက်တိုဘာလ (၂၁)ရက်နေ့တွင် ကမာရွတ်မြို့နယ်တွင် ဖွင့်လှစ်ထားသည့် ရွှေယုံရွှေဆိုင်မှ သေတ္တာသုံးလုံးဖြင့်

ထည့်ထားသည့် ရွှေထည်ငါးပိသာကို ပိုင်ရှင်က နေအိမ်သို့ ကားဖြင့်ပို့ခိုင်းစဥ် အိမ်ရှေ့သို့ရောက်ချိန်၌ သေနတ်ပစ်ဖောက် လုယက်မှုဖြစ်ပွားခဲ့ပြီးနောက် ရွှေလုပ်ငန်းရှင်များအသင်းမှ သတိပေးချက်ထုတ်ပြန်ခြင်းဖြစ်သည်။

#TachileikNewsAgency

Photo: ရန်ကုန်မြို့မှ ရွှေဆိုင်အားတွေ့ရစဥ် (ပုံဟောင်း)