မွန်ပြည်နယ် ကျိုက်ထိုမြို့တွင် နေအိမ်တစ်အိမ်အား စစ်ကောင်စီတပ်က ဝင်ရောက်ပစ်ခတ်ရာ တော်လှန်ရေးရဲဘော်(၂)ဦးနှင့် သတင်းထောက်(၂)ဦး ကျဆုံးသွားကြောင်း ကျိုက်ထိုတော်လှန်ရေးအင်အားစုထံမှ သိရသည်။
၂၀၂၄ ခုနှစ် သြဂုတ်လ (၂၁)ရက်နေ့က ကျိုက်ထိုမြို့နယ် လက်ပြကျေးရွာရှိ သတင်းထောက် ကိုထက်မြတ်သူ၏ နေအိမ်အား စစ်ကောင်စီတပ် က ဝင်ရောက်စီးနင်းပစ်ခတ်ရာ ကျိုက်ထိုတော်လှန်ရေး အင်အားစုမှ ရဲဘော်(၃)ဦးအနက် ရဲဘော်အဝင်းနှင့် ရဲဘော်ကျင်ဝှက်တို့ ကျဆုံးပြီး ကျန်ရဲဘော်တစ်ဦးမှာ လွတ်မြောက်သွားကြောင်း သိရသည်။
ထို့အပြင် သတင်းထောက်များဖြစ်သည့် ကိုထက်မြတ်သူနှင့် DVB CJ သတင်းထောက် ဝင်းထွဋ်ဦးတို့ကို စစ်ကောင်စီတပ်က ဖမ်းဆီးသတ်ဖြတ်သွားသည်ဟု ဆိုသည်။
၎င်းတို့ကျဆုံးခြင်း၏ အကျိုးဆက်ကို စစ်ကောင်စီအနေဖြင့် တာဝန်ခံရမည်ဖြစ်သည်ဟုလည်း ထုတ်ပြန်သည်။
နွေဦးတော်လှန်ရေးကာလအတွင်း စစ်ကောင်စီ၏ ဖမ်းဆီးသတ်ဖြတ်ခြင်းကြောင့် သတင်းသမား(၄)ဦးအထိ ကျဆုံးခဲ့ရပြီးဖြစ်သည်။
#TachileikNewsAgency
