မန္တလေးတိုင်း မိုးကုတ်မြို့ အရှေ့ပိုင်း ပန်မထိပ်ရွာအနီးနှင့် အကျဉ်းထောင်ရှိ စစ်ကောင်စီတပ်စခန်းအား တအာင်းအမျိုးသားလွတ်မြောက်ရေးတပ်မတော်(TNLA)နှင့် PDF(မိုးကုတ်ဗျူဟာ) ပူးပေါင်းတပ်ဖွဲ့တို့က တိုက်ခိုက်သိမ်းပိုက်ရာ စစ်ကောင်စီ တပ်သား (၂၀)ဦးသေကာ လက်နက်ခဲယမ်းများ သိမ်းဆည်းရရှိသည်ဟု သိရသည်။
သိမ်းဆည်းရရှိသည့် စစ်ကောင်စီလက်နက်များတွင် လက်နက်ငယ် (၅)လက်၊ ဒရုန်း(၁)စင်းနှင့် အခြားစစ်အသုံးအဆောင်ပစ္စည်းများလည်းပါဝင်သည်ဟု TNLA က ယနေ့ ၂၀၂၄ခုနှစ် ဇူလိုင်လ (၂၂)ရက်နေ့တွင် သတင်းထုတ်ပြန်ထားသည်။
ထို့အပြင် နောင်ချိုမြို့နယ်တွင်လည်း စစ်ကောင်စီတပ်စခန်းများအား TNLA နှင့် MDY-PDF ပူးပေါင်းတပ်ဖွဲ့တို့က ဆက်လက်တိုက်ခိုက်ရာ တိုက်ပွဲဖြစ်ပွားနေသည်ဟု သိရသည်။
ဇူလိုင်လ (၂၂)ရက်နေ့ နေ့လယ်ပိုင်းက နောင်ချိုမြို့နယ် တဲခေါ်ရွာရှိ စစ်ကောင်စီတပ်စခန်းအား ထိုးစစ်ဆင်တိုက်ခိုက်ခြင်းဖြစ်သည်ဟု သိရသည်။
ကျောက်မဲမြို့နယ်ရှိ အေးရှားဝေါဂိတ်နှင့် နမ့်ဆီလင်းဘုန်းကြီးကျောင်းအတွင်း တပ်စွဲထားသည့် စစ်ကောင်စီတပ်ဖွဲ့ကိုလည်း TNLက လိုက်လံရှင်းလင်းရာ တိုက်ပွဲဖြစ်ပွားသည်ဟု သိရသည်။
#TachileikNewsAgency
Photo: PSLF/TNLA NEWS
