မန္တလေးတိုင်း မိုးကုတ်မြို့အနောက်ပိုင်းတွင် တိုက်ပွဲကာအတွင်း စစ်ကောင်စီတပ်မှ KBZ Bank နှင့် CB Bank များအား ဖောက်ထွင်းပြီး ငွေသားနှင့် ကျောက်မြတ်ရတနာများ စုစုပေါင်းတန်ဖိုး ကျပ်သိန်းပေါင်း နှစ်သောင်း ဝန်းကျင်ကို ယူဆောင်သွားကြောင်း သိရသည်။
ပြီးခဲ့သည့် ၂၀၂၄ခုနှစ် ဇွန်လ (၂၇)ရက်နေ့တွင် TNLA၊ မိုးကုတ်ဗျုဟာ၊ PDF (513)နှင့် ပကဖ (မိုးကုတ်)တို့ ပူးပေါင်းပြီး စစ်ကောင်စီတပ်စွဲထားသည့် ဒေါ်နန်းကြည်တောင်စခန်း၊ ရွှေလိပ်ပြာစခန်း၊ ရွှေမျက်ဝန်းစခန်းအား တိုက်ခိုက်ရာ စစ်ကောင်စီတပ်ဖွဲဝင်များ မြို့အတွင်း ကျပ်ပြင်ရဲစခန်းနှင့် ဘဏ်များတွင် ထွက်ပြေးခိုးအောင်းနေခဲ့သည်ဟု ဆိုသည်။
TNLA နှင့် ပူးပေါင်းတပ်မှ စစ်ကောင်စီတပ်အား လိုက်လံရှင်းလင်းရာတွင် ဘဏ်အတွင်း ခိုးအောင်းနေသည့် စစ်ကောင်စီတပ်သည် KBZ Bank နှင့် CB Bank ရှိ ငွေသားနှင့် ကျောက်မြတ်ရတနာများကို ဖောက်ထွင်းယူဆောင်သွားသသည့် အထောက်အထားများကိုတွေ့ရှိရပြီး စစ်ကောင်စီတပ်သားအလောင်းတချို့တွင် ကျောပိုးအိတ်များအတွင်း ထည့်ထားသည့် ငွေသား သိန်း(၅၀)နှင့် ကျောက်မြတ်ရတနာများကို တွေ့ရှိရသည်ဟု ဆိုသည်။
မိုးကုတ်မြို့ရှိ စစ်ကောင်စီတပ်ဖွဲသည် တပ်မ (၉၉)၊ လပခ လက်အောက်ခံ ခလရ (၈၈)၊ ခလရ (၇၈)၊ ခလရ (၁၄၈)နှင့် မိုးကုတ်ဗျုဟာတို့ အခြေချသည့် တပ်များဖြစ်သည်။
တိုက်ပွဲကာလအတွင်းလည်း ၄င်းတပ်ရင်း၊ တပ်ဖွဲ့များသည် KBZ Bank နှင့် CB Bank ရှိ ငွေသားနှင့် ကျောက်မြတ်ရတနာများ တန်ဖိုးငွေ ကျပ်သိန်းပေါင်း နှစ်သောင်းဝန်းကျင်ကို ဖောက်ထွင်းယူဆောင်သွားခြင်းဖြစ်သည်ဟု သိရသည်။
#TachileikNewsAgency
Photo: PSLF/TNLA News
