အပစ်အခတ်ရပ်စဲထားရာမှ စစ်ကောင်စီနှင့် TNLA တို့ မိုးကုတ်မြို့တွင် တိုက်ပွဲပြန်ဖြစ်
စစ်ကောင်စီတပ်နှင့် တအာင်းအမျိုးသားလွတ်မြောက်ရေးတပ်မတော်(TNLA)တို့အကြား အပစ်အခတ်ရပ်စဲထားရာမှ တိုက်ပွဲပြန်လည်ဖြစ်ပွားကြောင်း သိရသည်။
၂၀၂၄ခုနှစ် ဇွန်လ (၂၂)ရက်နေ့ နေ့လယ်ပိုင်းတွင် စစ်ကောင်စီတပ်သည် မန္တလေးတိုင်း မိုးကုတ်မြို့နယ် မိုင်တိုင်အမှတ် (၅)မှ TNLA ရှိရာသို့ ထိုးစစ်ဆင်လာရာ မိုင်တိုင်အမှတ် (၇)အောက်ပိန်းပြစ်နှင့် အထက်ပိန်းပြစ်ရွာကြားတွင် တိုက်ပွဲဖြစ်ပွားသည်ဟု TNLA ထံမှ သိရသည်။
ညနေပိုင်းတွင် အောက်ပိန်းပြစ်ရွာ၌ တပ်စွဲထားသည့် စစ်ကောင်စီစစ်ကြောင်းသည် အထက်ပိန်းပြစ်ရွာသို့ ဒရုန်းဖြင့်တိုက်ခိုက်ရာ ဘုန်းကြီးကျောင်းပျက်စီးသွားကြောင်း သိရသည်။
ထိုတိုက်ခိုက်မှုအတွင်း လူထုထိခိုက်မှု မရှိသော်လည်း ကျေးရွာထဲသို့ ဗုံးသီးကျရောက်ပေါက်ကွဲမှုကြောင့် ပြည်သူများ စိုးရိမ်ထိတ်လန့်ခဲ့ရသည်ဟု ဆိုသည်။
#TachileikNewsAgency
Photo: PSLF/TNLA News
