စစ်ကောင်စီတပ်၏ ပတ်ခတ်တိုက်ခိုက်မှုများကြောင့် ရခိုင်ပြည်နယ် ဘူးသီးတောင်မြို့နယ်အတွင်းရှိ မူဆလင်ပြည်သူ အမြောက်အများ ရက္ခိုင့်တပ်တော် (AA) ထိန်းချုပ်နယ်မြေအတွင်းသို့ ဝင်ရောက်ခိုလှုံလာကြောင်း AA၏ လူသားခြင်းစာနာထောက်ထားရေးနှင့် ဖွံဖြိုးရေးဆိုင်ရာပူးပေါင်းဆောင်ရွက်ရေးရုံး (HDCO)မှ ယနေ့ ၂၀၂၄ ခုနှစ် မေလ (၁၃)ရက်နေ့တွင် သတင်းထုတ်ပြန်သည်။

screenshot_2024-05-13_140335.png

စစ်ကောင်စီတပ်က မေလ (၈)ရက်နေ့တွင် လက်နက်ကြီးများ အပါအဝင် ဂျက်ဖိုက်တာဖြင့် ပစ်ခတ်မှုကြောင့် ဘူးသီးတောင်မြို့နယ်ရှိ ကကျဘတ်၊ ကကျဘတ်ကံပြင်၊ မြောင်းနား၊ အလယ်ချောင်း၊ ဘဂုံးနားနှင့် လက်သာ‌ကျေးရွာတို့မှ မူဆလင်ပြည်သူ (၇၀၀၀)ခန့်သည် ရက္ခိုင့်တပ်တော် (AA) ထိန်းချုပ်နယ်မြေအတွင်းသို့ ဝင်ရောက်ခိုလှုံလာခြင်းဖြစ်ကြောင်း သိရသည်။

screenshot_2024-05-13_140314.png

ရက္ခိုင့်တပ်တော်(AA) ထိန်းချုပ်နယ်မြေအတွင်းသို့ ဝင်ရောက်ခိုလှုံသည့် ဒုက္ခသည်များကို ရက္ခိုင့်တပ်တော်မှ ကူညီရွှေ့ပြောင်းပေးခြင်းနှင့် အကာအကွယ်ပေးခြင်းများကို လုပ်ဆောင်ပေးခဲ့ကြောင်း သိရသည်။

screenshot_2024-05-13_140444.png

အဆိုပါကျေးရွာများမှ တချို့သော မူဆလင်ပြည်သူများသည် စစ်ကောင်စီထိန်းချုပ်ထားသည့် ဘူးသီးတောင်မြို့နယ်ရှိ စစ်ကောင်စီ နခခ(၈)တပ်ရင်းသို့ ဝင်ရောက်သွားခဲ့ကြကြောင်း AA ၏ HDCO ရုံးမှ သတင်းထုတ်ပြန်ထားသည်။

screenshot_2024-05-13_140524.png

#TachileikNewsAgency

Photo: HDCO