မန္တလေးတိုင်း မတ္တရာမြို့နယ် ကျောက်တံတားကျေးရွာဘုန်းကြီးကျောင်း၌ တပ်စွဲထားသော စစ်ကောင်စီတပ်ဖွဲ့အား TNLA ပူးပေါင်း PDF တပ်များက တိုက်ခိုက်ခဲ့ရာ စစ်သုံ့ပန်း(၂)ဦးကို ဖမ်းမိပြီး လက်နက်ခဲယမ်းများ သိမ်းဆည်းရရှိခဲ့ကြောင်း မန္တလေး PDF ထံမှ သိရသည်။
ဘုန်းကြီးကျောင်းအတွင်း တပ်စွဲထားသည့် စစ်ကောင်စီတပ်အား ယမန်နေ့ ၂၀၂၃ခုနှစ် ဒီဇင်ဘာလ (၁၂)ရက်နေ့တွင် တိုက်ခိုက်ခဲ့ရာ စစ်ကောင်စီတပ်ထံမှ MA-1 (၄)လက်၊ Jammer (၁)လုံး၊ ကွန်ပျူတာ (၁)လုံးအပါအဝင် ဆက်စပ်ခဲယမ်းအချို့ သိမ်းဆည်းရရှိခဲ့သည်ဟု သိရသည်။
ထို့အပြင် စစ်ကောင်စီတပ်ဘက်က ထိခိုက်ဒဏ်ရာရရှိသူများပြားခဲ့ပြီး စစ်ကောင်စီတပ်သား အလောင်း (၃)လောင်းနှင့် စစ်ကောင်စီတပ်ဖွဲ့ဝင် သုံ့ပန်း(၂)ဦးကို အရှင်ဖမ်းဆီးရမိခဲ့သည်ဟု သိရသည်။
ပြည်သူ့ကာကွယ်ရေးတပ်မတော် (မန္တလေး)မှလည်း ရဲဘော်တစ်ဦး ကျဆုံးခဲ့ရကြောင်း သိရသည်။
#TachileikNewsAgency
