စစ်ကိုင်းတိုင်း၊ ကသာမြို့နယ်တွင် ခြေလျင်စစ် ကြောင်းထိုးလာသည့် အကြမ်းဖက် စစ်ကောင်စီတပ်နှင့် ပြည်သူ့ကာကွယ်ရေးတပ်တို့ ယနေ့မတ်လ(၃)ရက်၊ မနက်ပိုင်းက တိုက်ပွဲဖြစ်ပြီး စစ်ကောင်စီဘက်က သေဆုံးမှုရှိခဲ့ကြောင်း ကသာ PDF ထံမှ သိရသည်။

ကသာမြို့နယ်၊ မှတ်တိုင်ကျေးရွာ၊ တာဝါတိုင်အနီးတွင် မြို့လှမြို့မှ အင်အား (၇၀)ဝန်းကျင်ဖြင့် ခြေလျင်စစ်ကြောင်းထိုးလာသည့် အကြမ်းဖက်စစ် ကောင်စီတပ်ကို မြို့လှ PDF၊ ကသာ PDF၊ ကသာမြို့ နယ်ပြည်သူ့ကာကွယ်ရေးတပ်ဖွဲ့(ပ-က-ဖ)တို့မှ တိုက်ခိုက်ခဲ့ခြင်း ဖြစ်ကြောင်း သိရသည်။

ယင်းတိုက်ပွဲတွင် ပြည်သူ့ကာကွယ်ရေးတပ်ဘက်မှ တပ်ဖွဲ့ဝင်တစ်ဦး၏ ‌ခြေထောက်တွင် ထိခိုက်ဒါဏ်ရာအနည်းငယ်ရရှိသော်လည်း မစိုးရိမ်ရကြောင်း သိရသည်။