စစ်ကိုင်းတိုင်း မုံရွာ-အရာတော်လမ်းတွင် စစ်ကောင်စီတပ်သားများ လိုက်ပါလာသည့် (၁၂)ဘီးကား (၃)စီးအား ဒေသကာကွယ်ရေးတပ်ဖွဲ့က ၂၀၂၃ခုနှစ် သြဂုတ်လ (၂၀)ရက်နေ့တွင် ပစ်ခတ်တိုက်ခိုက်ခဲ့ကြောင်း သိရသည်။
အဆိုပါလမ်းပိုင်းတွင် စစ်ကောင်စီတပ်သားများလိုက်ပါလာသော (၁၂)ဘီးကား (၃)စီးအား ပင်လုံဆီဆိုင်အနီးတွင် ဒေသကာကွယ်ရေးတပ်များက ပစ်ခတ်တိုက်ခိုက်ခဲ့ရာ စစ်ကောင်စီတပ်သား အများအပြား ထိခိုက်သေဆုံးမှုရှိနိုင်သည်ဟု သိရသည်။
ဒေသကာကွယ်ရေးတပ်ဖွဲ့တစ်ခုဖြစ်သည့် Danger Force LPDFတပ်ဖွဲ့ကမူ အဆိုပါပစ်ခတ်မှုကြောင့် စစ်ကောင်စီတပ်ဘက်က တပ်ကြပ်ကြီး၊ ဒုတပ်ကြပ်အပါဝင် တပ်သား (၁၇)ဦးသေဆုံးပြီး အရာရှိ ဗိုလ်တစ်ဦး အရာတော်ဆေးရုံ၌ ဆေးကုသနေကြောင်း သတင်းထုတ်ပြန်ထားသော်လည်း Tachileik News Agencyအနေဖြင့် အတည်မပြုနိုင်ပါ။
#TachileikNewsAgency
Video : Danger Force LPDF
