ရှမ်းပြည်နယ်(မြောက်ပိုင်း) မူဆယ်ခရိုင်၊ ပန်ဆိုင်းနှင့် နမ့်ဟူးကြားတွင် ၂၀၂၁ ခုနှစ် ဩဂုတ်လ (၃၀) ရက်နေ့က မုံးကိုးဒေသသို့ စစ်ကူသွားမည့် အာဏာသိမ်းစစ်တပ်အား ကိုးကန့်တပ် (MNDAA) က ကြားဖြတ်တိုက်ခိုက်မှုအတွင်း လက်နက်ခဲယမ်းများစွာ သိမ်းဆည်းရမိသည်ဟု ကိုးကန့်သတင်းက ထုတ်ပြန်ထားသည်။
တိုက်ပွဲအတွင်း သေဆုံးသွားသည့် အာဏာသိမ်းစစ်တပ်ဘက်မှ တပ်ဖွဲ့ဝင်များ၏ လက်နက်ခဲယမ်းများတွင် ဗိုလ်ကြီးအဆင့်ရှိသူများလည်း ပါဝင်သည်ကို တွေ့ရသည်။
မုံးကိုးဒေသသို့ တက်လာသည့် အာဏာသိမ်းစစ်ကောင်စီတပ်ကို MNDAA က ပန်ဆိုင်းနှင့် နမ့်ဟူးကြားတွင် ကြားဖြတ်တိုက်ခိုက်ခြင်းဖြစ်သည်ဟု ထုတ်ပြန်ထားသည်ကို တွေ့ရသည်။
အလားတူ ရှမ်းပြည်နယ် (မြောက်ပိုင်း) မုံးကိုးမြို့နယ် မန်ခွမ်နှင့် မန်ပိန်းကြားတွင် ဩဂုတ်လ (၂၈) ရက်နေ့ နံနက်ပိုင်းနှင့် ညနေပိုင်းတို့တွင် ဖြစ်ပွားသည့် တိုက်ပွဲနှစ်ခုအတွင်း MNDAA က အာဏာသိမ်းစစ်တပ်ထံမှ လက်နက်ခဲယမ်းများစွာကို သိမ်းဆည်းရမိခဲ့ပြီး ပြင်းပြင်းထန်ထန် တိုက်ခိုက်နိုင်ခဲ့သည်ဟုလည်း ထုတ်ပြန်ထားသည်ကို တွေ့ခဲ့ရသည်။
