ပြည်သူ့လွှတ်တော်အတွက် ရှမ်းပြည်နယ်တွင် USDP, NLD နှင့် SNLD တို့ အများဆုံး အနိုင်ရ

 

ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ(USDP) က ရှမ်းပြည်နယ်(အရှေ့ပိုင်း)တွင် (၆)နေရာ၊ ရှမ်းပြည်နယ်(တောင်ပိုင်း)တွင် (၄)နေရာ၊ ရှမ်းပြည်နယ်(မြောက်ပိုင်း)တွင် (၅)နေရာ စုစုပေါင်း (၁၅)နေရာရရှိခြင်း ဖြစ်သည်။

အမျိုးသားဒီမိုကရေစီအဖွဲ့ချုပ်ပါတီ(NLD) က ရှမ်းပြည်နယ်(တောင်ပိုင်း)တွင် (၇)နေရာ၊ ရှမ်းပြည်နယ်(မြောက်ပိုင်း)တွင် (၄)နေရာ နှင့် ရှမ်းပြည်နယ်(အရှေ့ပိုင်း)တွင် (၃)နေရာ စုစုပေါင်း (၁၄)နေရာ အနိုင်ရရှိခြင်း ဖြစ်သည်။

ရှမ်းတိုင်းရင်းသားများဒီမိုကရေစီအဖွဲ့ချုပ်ပါတီ(SNLD) က ရှမ်းပြည်နယ်(မြောက်ပိုင်း)တွင် (၇)နေရာ နှင့် ရှမ်းပြည်နယ်(တောင်ပိုင်း)တွင် (၆)နေရာ စုစုပေါင်း (၁၃)နေရာ ရရှိခြင်း ဖြစ်သည်။

အနည်းဆုံးအနေဖြင့် ပြည်သူ့လွှတ်တော်နေရာအား တအာင်း(ပလောင်)အမျိုးသားပါတီ (TNP) က ရှမ်းပြည်နယ်(မြောက်ပိုင်း)တွင် (၃)နေရာ၊ ပအိုဝ်းအမျိုးသားအဖွဲ့ချုပ် (PNO)က ရှမ်းပြည်နယ်(တောင်ပိုင်း)တွင် (၃)နေရာ နှင့်  'ဝ'အမျိုးသားပါတီ(WNP) က ရှမ်းပြည်နယ်(မြောက်ပိုင်း)တွင် (၁)နေရာ အနိုင်ရရှိခဲ့ကြသည်။

အဆိုပါ အနိုင်ရရှိမှုသည့် မဲရလဒ်များ၏ အနိုင်ရရှိမှုများဖြစ်ပြီး အငြင်းပွားဖွယ်များရှိပါက ပြည်ထောင်စုရွေးကောက်ပွဲကော်မရှင်၏ အတည်ပြုချက်တာ အတည်ဖြစ်မည်။

ရွေးကောက်ပွဲကျင်းပနိုင်ခြင်းမရှိသည့် ရှမ်းပြည်နယ်အတွင်းမှ မြို့နယ်များမှာ ရှမ်းပြည်နယ်(အရှေ့ပိုင်း)တွင် မိုင်းလား၊ ရှမ်းပြည်နယ်(တောင်ပိုင်း)တွင် မိုင်းကိုင်၊ ရှမ်းပြည်နယ်(မြောက်ပိုင်း)တွင် ပန်ဆန်း၊ နားဖန်း၊ ပန်ဝိုင် နှင့် မိုင်းမောမြို့နယ်တို့ ဖြစ်သည်။