စစ်ကိုင်းတိုင်း မုံရွာမြို့တွင် ယနေ့ ၂၀၂၄ ခုနှစ် သြဂုတ်လ (၁၃)ရက်နေ့တွင် စစ်ကောင်စီတပ်ကပစ်ခတ်သည့် လက်နက်ကြီးကျည်ကျကာ အရပ်သား (၁၁)ဦး သေပြီး (၁၀)ဦး ဒဏ်ရာရကြောင်း သိရသည်။
မုံရွာမြို့အဝင် စစ်ကောင်စီတပ်ထိုင်ထားသည့် မအူဂိတ်မှ ယနေ့နံနက်ပိုင်းတွင် (၆၀)မမ လက်နက်ကြီးတစ်လုံးပစ်ခတ်မှုကြောင့် မုံရွာ-အမြင့်လမ်းဘေး ထနောင်းတောတောင်ရွာရှိ စျေးတန်းအလယ်သို့ကျကာ အရပ်သားအမျိုးသား(၅)ဦးနှင့် အမျိုးသမီး (၁၆)ဦး လက်နက်ကြီးအစများ ထိမှန်ခဲ့ကြောင်း သိရသည်။
အဆိုပါလက်နက်ကြီးကြောင့် အမျိုးသား (၃)ဦး၊ အမျိုးသမီး (၈)ဦး သေဆုံးကာ (၁၀)ဦးဒဏ်ရာရကြောင်း မုံရွာ-အမြင့်လမ်း သတင်းမှန် ပြန်ကြားရေးက ဖော်ပြထားသည်။
ယနေ့ နေ့လယ် (၁၂)နာရီခန့်တွင်လည်း လယ်တော်ကျေးရွာဘက်သို့ မအူဂိတ်မှပစ်လွှတ်လိုက်သော လက်နက်ကြီး ကျရောက်ပေါက်ကွဲမှုကြောင့် ပြည်သူ(၂)ဦး ဒဏ်ရာရခဲ့ပြီး နွားတစ်ကောင်သေဆုံးခဲ့ရကြောင်း သိရသည်။
ဩဂုတ်လ (၁၀)ရက်နေ့နှင့် (၁၁)ရက်နေ့တို့တွင်လည်း မအူဂိတ်မှ လက်နက်ကြီးပစ်ခတ်မှုကြောင့် အရပ်သား(၁၀)ဦး ထိမှန်ခဲ့ပြီး (၂)ဦးသေဆုံး သည်ဟု သိရသည်။
#TachileikNewsAgency
Photo: မုံရွာ-အမြင့်လမ်း သတင်းမှန်ပြန်ကြားရေး
