တာခ်ီလိတ္ရွိ ခ်စ္ၾကည္ေရးတံတား(၁)ေပၚတြင္ ျပည္နယ္အစိုးရအဖြဲ႔ ႏွင့္ ဌာနဆိုင္ရာမ်ားမွ ဆြမ္းဆန္စိမ္းေလာင္းလွဴ

ရှမ်းပြည်နယ် (အရှေ့ပိုင်း) တာချီလိတ်မြို့သို့ မဲခေါင်မြစ်ဝှမ်း (၅)နိုင်ငံမှ သံဃာတော်များ ၂၀၁၉ ခုနှစ်၊ အောက်တိုဘာလ (၁၆)ရက်နေ့ နံနက်ပိုင်း၌ မယ်ဆိုင်မြို့မှတစ်ဆင့် ကြွရောက်လာရာ ချစ်ကြည်ရေးတံတား(၁)ပေါ်တွင် ပြည်နယ်အစိုးရအဖွဲ့ နှင့် ဌာနဆိုင်ရာများက ဆွမ်းဆန်စိမ်းလောင်းလှူပူဇော် ကြိုဆိုကြသည်။

သံဃာတော်အပါး (၄၀၀)ကျော်က နံနက် (၉)နာရီခွဲဝန်းကျင်တွင် မြန်မာ - ထိုင်းချစ်ကြည်ရေးတံတား (၁)မှ ကြွလာရာ မယ်ဆိုင်ဘက်ခြမ်းမှလည်း ဆွမ်းဆန်စိမ်းလောင်းလှူကြပြီး မြန်မာဘက်ခြမ်းတွင် ရှမ်းပြည်နယ် ဝန်ကြီးချုပ်နှင့် ပြည်နယ်အစိုးရအဖွဲ့ဝင်များက ဌာနဆိုင်ရာများနှင့်အတူ နှစ်နိုင်ငံချစ်ကြည်ရေးတံတားမှ စောင့်ကြိုကာ ဆွမ်းဆန်စိမ်းလောင်းလှူကြခြင်းဖြစ်သည်။

မယ်ဆိုင်ဘက်မှ ကြွလာသည့် သံဃာတော်များနှင့်အတူ ဒုတိယအကြိမ် မဲခေါင်မြစ်ဝှမ်း (၅)နိုင်ငံ ဓမ္မခရီးစီစဉ်သည့် မြန်မာနိုင်ငံလုံးဆိုင်ရာ ထေရဝါဒဗုဒ္ဓဘာသာအဖွဲ့ချုပ်နှင့် နယ်စပ်တောင်တန်းဒေသ သာသနာနုဂ္ဂဟအသင်း ဥက္ကဌ ဝဏ္ဏကျော်ထင် ဒေါက်တာခင်ရွှေနှင့် ထိုင်းနိုင်ငံ ဗောဓိဂယာဝိဇ္ဇာလျ ၉၈၀ အဖွဲ့ချုပ်တို့မှ တာဝန်ရှိသူများလည်း လိုက်ပါလာခြင်းဖြစ်သည်။

သံဃာတော်များသည် ဆွမ်းဆန်စိမ်းအလှူခံယူပြီးနောက် နဂါးနှစ်ကောင်ကျောင်းတိုက်ရှိ ထပ်ဆိုင်းမောင်းစေတီကို ဖူးမြော်ပြီး ပရိတ်ရွတ်ဖတ်ပူဇော်ကြကာ နေ့လယ် (၂)နာရီအချိန်၌ တာချီလိတ်ရွှေတိဂုံစေတီရင်ပြင်တွင် ဗုဒ္ဓဂါယာမှယူဆောင်လာသည့် ဗောဓိညောင်ပင်ကို စိုက်ပျိုးကြမည်ဖြစ်သည်။

တာချီလိတ်သို့ ကြွရောက်လာသည့် သံဃာတော်များက ညနေပိုင်းတွင် တောင်တန်းသာသနာပြု(ဗဟို)ဆရာတော်ကျော်ငးနှင့် ငွေတောင်ဦးကမ္မဌာန်းကျောင်းများသို့လည်း ကြွရောက်မည်ဖြစ်သည်။

မြန်မာ၊ ထိုင်း၊ ကမ္ဘောဒီးယား၊ လာအိုနှင့် ဗီယက်နမ်နိုင်ငံများမှ သံဃာတော်များသည် အောက်တိုဘာလ (၁၄) ရက်နေ့မှ အောက်တိုဘာလ (၃၁) ရက်နေ့အထိ (၅) နိုင်ငံ ဓမ္မခရီးကြွရောက်ရာတွင် မြန်မာနိုင်ငံသို့ ဓမ္မခရီးကို အောက်တိုဘာလ (၁၆)ရက်မှ (၁၈)ရက်နေ့အထိ ကြွရောက်လာခြင်းဖြစ်သည်။

Tachileik News Agency
ဓာတ်ပုံ - ဟန်စိုးထိုက်၊ ကျော်ဇင်ဟိန်း

~~~~~~~~⊰❂ Zawgyi Version ❂⊱~~~~~~~~