မြန်မာ - ထိုင်းနယ်စပ်ဒေသ၊ တာချီလိတ်မြို့တွင် ဒေသခံပြည်သူများနှင့် အသင်းအဖွဲ့များ စုပေါင်း ပါဝင်ကာ ကျင်းပပြုလုပ်မည့် တာချီလိတ်တန်ဆောင်တိုင်ပွဲတော်အား စည်ကားသိုက်မြိုက်စွာ ကျင်းပနိုင်ရေးအတွက် ကော်မတီဖွဲ့စည်းခြင်း နှင့် ပွဲတော်ရက်သတ်မှတ်ခြင်းအဖြစ် တွေ့ဆုံဆွေးနွေးပွဲအား ၂၀၁၉ခုနှစ် အောက်တိုဘာလ(၉)ရက်နေ့ ညနေပိုင်းက တာချီလိတ်မြို့ရှိ 1G1 8Hotel တွင် ကျင်းပပြုလုပ်ပြီးနောက် ပွဲတော်ရက်အား နိုဝင်ဘာလ(၁၅)ရက်နေ့က စ၍ (၃)ရက်တိုင်တိုင် ကျင်းပပြုလုပ်ရန် အတည်ပြုလိုက်သည်။

အဆိုပါ အစည်းအေဝးသို့ မြို့မိမြို့ဖများ၊ လူမှုရေးအသင်းအဖွဲ့များ နှင့် စီးပွားရေးလုပ်ငန်းရှင်များ တက်ရောက်ကြပြီး အပြန်အလှန် အကြံပြုဆွေးနွေးကာ ကော်မတီတစ်ရပ်အား ဖွဲ့စည်းလိုက်ပြီးနောက် ပွဲတော်ရက်အား ၂၀၁၉ခုနှစ် နိုဝင်ဘာလ(၁၅)ရက်နေ့မှ နိုဝင်ဘာလ(၁၇)ရက်နေ့အထိ (၃)ရက်တိုင်တိုင် ကျင်းပပြုလုပ်ရန် အတည်ပြုလိုက်ခြင်း ဖြစ်သည်။

ပွဲတော်စည်ကားသိုက်မြိုက်စွာ ကျင်းပနိုင်ရေးအတွက် ကော်မတီအား ဖွဲ့စည်းရာတွင် ဥက္ကဌအဖြစ် ဦးထွန်းနေဦး(ဟိုတယ်တာချီလိတ်)၊ ဒုဥက္ကဌ အဖြစ် ဦးအောင်နိုင်(1G1 Hotel)က လည်းကောင်း၊ ကော်မတီ၏ တာဝန်အသီးသီးများအား တက်ရောက်လာသူများထဲက ရွေးချယ်လိုက်ကြပြီးနောက် အဖွဲ့ဝင်များအဖြစ် တာချီလိတ်မြို့ရှိ တိုင်းရင်းသားစာပေနှင့်ယဉ်ကျေးမှုအသင်းအဖွဲ့များ၊ လူမှုရေးအသင်းအဖွဲ့များအားလုံးကို ထည့်သွင်းပါဝင်ထားကြောင်း နှင့် မီးပုံးပျံအား ဦးကျော်ဇော်လင်း(ကိုကြီး) နှင့် အဖွဲ့က ဦးဆောင် ပြုလုပ်သွားမည် ဖြစ်ကြောင်း သိရသည်။

မီးပုံးပျံဖြစ်မြောက်ရေးအတွက် ဦးအောင်နိုင် ( 1G1 Hotel )မိသားစုက ကျပ်သိန်း(၁၀၀)မတည်လှူဒါန်းပေးထားပြီးနောက် ယနေ့ အစည်းအေဝးတွင် ဦးဘိုလေး(TBC) မိသားစုက ထို်င်းဘတ်ငွေ (၁၀,ဝဝဝ)၊ ဦးတင်လှိုင် + ဒေါ်နန်းမိမိလေး ( မြသဟာဆေးရုံ - အဆွေတော်မိသားစု )က ထို်င်းဘတ်ငွေ (၁၀,ဝဝဝ)၊ ဦးထွန်းနေဦး + ဒေါ်ခင်ခင်ချို ( ဟိုတယ်တာချီလိတ်၊ ဘုရင့်နောင်ပုဂ္ဂလိကဈေး ) မိသားစုက ထို်င်းဘတ်ငွေ (၁၀,ဝဝဝ)၊ မြို့မိမြို့ဖ ဦးကြည်မြင့် + ဒေါ်နန်းခမ်း ( တော်ဝင် )မိသားစုက ထို်င်းဘတ်ငွေ (၅,ဝဝဝ) နှင့် ဒုရဲမှူးစံသိန်း + ဒေါ်သဲလျာဝင်း မိသားစု က ထို်င်းဘတ်ငွေ (၅,ဝဝဝ)ဘတ်တို့အား ပွဲတော်ဖြစ်မြောက်ရေးအတွက် ပါဝင်လှူဒါန်းကြကြောင်း သိရသည်။

တာချီလိတ်တန်ဆောင်တိုင်ပွဲတော်အတွင်း တောင်ကြီးတန်ဆောင်တိုင်ပွဲကဲ့သို့ နေ့လွှတ်အရုပ်မီးပုံးပျံများ လွှတ်တင်ခြင်း နှင့် ညလွှတ်မီးကျည်လွှတ်တင်မည့် အစီအစဉ်ပါဝင်မည့်အပြင် ပံ့သကူမီးပုံးပျံတစ်လုံးကိုလည်း လွှတ်တင်ရန် စီစဉ်ထားကြောင်း သိရသည်။

ယနေ့ ပြုလုပ်သည့် အစည်းအေဝး၏ စာရင်းအရ နေ့လွှတ်အရုပ်မီးပုံးပျံ စာရင်းမှာ (၁၇)လုံးရှိပြီး အဆိုပါ နေ့လွှတ်မီးပုံးပျံများမှာ လူမှုရေးအသင်းအဖွဲ့များ နှင့် စီးပွားရေးလုပ်ငန်းရှင်များမှ တစ်လုံးလျှင် ကျပ်(၂)သိန်းဖြင့် မှာယူစာရင်းပေးထားခြင်း ဖြစ်ကြောင်း သိရသည်။

ပွဲတော်တွင် နေ့ပိုင်းလွှတ်တင်မည့် နေ့လွှတ်မီးပုံးပျံများကို ရှမ်းရိုးမကွင်းအတွင်း၌ (၃)ရက်တိုင်တိုင် လွှတ်တင်ရန် စီစဉ်ထားပြီး၊ ညပိုင်းလွှတ်တင်မည့် ညမီးကျည်မီးပုံးပျံများကို အခြားနေရာများတွင်လွှတ်တင်ရန် စီစဉ်ထားကြောင်း သိရသည်။

တာချီလိတ်တွင် ကျင်းပမည့် တန်ဆောင်တိုင်မီးပုံးပျံလွှတ်တင်ပွဲအား တစ်ဖက်နိုင်ငံမှ ခရီးသွားဧည့်သည်များအနဖြေင့် စိတ်ဝင်စားမှု ပိုမိုတိုးပွားကာ တာချီလိတ်ဒေသအတွင်း ဟိုတယ်နှင့်ခရီးသွားလာရေးလုပ်ငန်းများ ဖွံ့ဖြိုးတိုးတက်မှုအတွက် ရည်ရွယ်ကြောင်း နှင့် မီးပုံးပျံလွှတ်တင်ပူဇော်ပွဲ ရိုးရာအစဉ်အလာအား ထိန်းသိမ်းစောင့်ရှောက်ကာ နှစ်စဉ်ကျင်းပပြုလုပ်နိုင်ရန် ယခုနှစ်က စတင်ကာ ကျင်းပရန်အတွက် စီစဉ်နကြခြေင်း ဖြစ်ကြောင်း သိရသည်။

Tachileik News Agency
ဓာတ်ပုံ - ကျော်ဇင်ဟိန်း

~~~~~~~~⊰❂ Zawgyi Version ❂⊱~~~~~~~~


တာခ်ီလိတ္တန္ေဆာင္တိုင္ပြဲေတာ္အား ႏို၀င္ဘာလ(၁၅)ရက္ေန႔ကစတင္ကာ (၃)ရက္တိုင္တိုင္ ေန႔လႊတ္ ညလႊတ္မီးပံုးပ်ံမ်ား လႊတ္တင္ကာ က်င္းပမည္