ပြည်နယ် စည်ပင်သာယာရေးနယ်နိမိတ်အတွင်းရှိ ကြော်ငြာဆိုင်းဘုတ်များကို တစ်စတုရန်းပေလျှင် ကျပ် (၁၀၀၀)နှုန်း၊ မြေငှားရမ်းခအဖြစ် တစ်စတုရန်းပေလျှင် ကျပ်(၁၀၀၀)နှုန်းနှင့် နေ့အလိုက်အဖြစ် တစ်ရက်လျှင် တစ်စတုရန်းပေလျှင် (၄)ကျပ်နှုန်း အခွန်စည်းကြပ်နေခြင်းဖြစ်သည်။

ကယားပြည်နယ် စည်ပင်သာယာရေးနယ်နိမိတ်အတွင်းရှိ ကြော်ငြာဆိုင်းဘုတ်များမှ အခွန်စည်းကြပ်ရငွေကို ပြည်နယ်ရန်ပုံငွေသို့ အပ်နှံပြီး ၂၀၁၈-၂၀၁၉ ဘဏ္ဍာနှစ်အတွက် ကြော်ငြာဆိုင်းဘုတ်များမှ အခွန်ငွေ(၄၂.၈၁ )သန်း ရရှိရန်လျာထားခဲ့ခြင်းဖြစ်ကြောင်း သိရသည်။

ကယားပြည်နယ် စည်ပင်သာယာရေး နယ်နိမိတ်အတွင်းရှိ ကြော်ငြာဆိုင်းဘုတ်များနှင့်ပတ်သက်၍ အခွန်ကောက်ခံမှု နှုန်းထားများအားသိရှိလိုကြောင်း ၂၀၁၉ ခုနှစ်၊ အောက်တိုဘာလ (၁)ရက်နေ့က ကျင်းပသည့် ဒုတိယအကြိမ်မြောက် ကယားပြည်နယ်လွှတ်တော် (၁၅)ကြိမ်မြောက် ပုံမှန်အစည်းအဝေးတွင် လွိုင်ကော်မြို့နယ် မဲဆန္ဒနယ်မှ ပြည်နယ်လွှတ်တော်ကိုယ်စားလှယ် ဦးတင်မြင့်က မေးမြန်းသဖြင့် ကယားပြည်နယ် စည်ပင်သာယာရေးနှင့် လူမှုရေး ဝန်ကြီး ဒေါက်တာအောင်ကျော်ဌေးက ပြန်လည်ဖြေကြားခဲ့ခြင်းဖြစ်သည်။

သတင်း၊ဓါတ်ပုံ #ဆန်းဖြိုးထွန်း