“အဓိကက ခွေးလေခွေးလွင့်တွေကို စနစ်တကျဖမ်းဆီးပြီးတော့ သားကြောဖြတ်တာရယ်၊ ခွေးရူးပြန်ရောဂါ မဖြစ်စေဖို့ ကာကွယ်ဆေးထိုးပေးတာတွေ လုပ်ပေးပါတယ်။ အဲဒီလိုလုပ်ပေးပြီးသားခွေးတွေကိုလည်း နားရွက်မှာ အမှတ်အသားလုပ်ပေးထားတယ်။ ကာကွယ်ဆေးအတွက်က INGO တစ်ခုကနေ အလုံး (၁၀၀) ကူညီထားတယ်။ လာပြီးလုပ်ဆောင်ပေးတဲ့ အဖွဲ့တွေအတွက်ကတော့ ကျောက်မဲဆေးရုံရယ်၊ မြို့ပေါ်က အလှူရှင်တွေရယ် ပေါင်းစပ်ပြီး နေရေး စားရေးစီစဉ်ပေးတယ်”
“တစ်လကို (၅) ရက်လောက် အဲဒီလို ကုသပေးတာတွေလုပ်မယ်။ ကျောက်မဲမှာရှိတဲ့ဘုန်းကြီးကျောင်းတွေ၊ ဈေးတွေ၊ လူစည်ကားတဲ့နေရာတွေလို အဓိကကျတဲ့ နေရာတွေက ခွေးလေ ခွေးလွင့်တွေကို ဖမ်းဆီးပြီး အဲဒီလို ကာကွယ်ဆေးထိုးတာတွေ အရင်ဆုံးဦးစားပေးပြီးတော့လုပ်မယ်။ ခွေးလေခွေးလွင့်တွေနဲ့ ခွေးရူးရောဂါတွေ လုံးဝလျော့နည်းသွားဖို့ဆိုရင် (၆) လလောက်ဆက်တိုက် လုပ်ရမယ်လို့ စီမံချက်ချထားတယ်”
~~~~~~~ ကြော်ငြာ ~~~~~~
