ထီးလင်းမြို့မှ စစ်ကောင်စီတပ်သားတစ်ဦး လက်နက်ခဲယမ်းအပြည့်အစုံဖြင့် ဂန့်ဂေါခရိုင် အမှတ် (၁၈) တပ်ရင်းထံ အလင်းဝင်ရောက်
မကွေးတိုင်း ဂန့်ဂေါခရိုင် ထီးလင်းမြို့မှ စစ်ကောင်စီတပ်သားတစ်ဦး လက်နက်ခဲယမ်းအပြည့်အစုံဖြင့် အလင်းဝင်ရောက်ကြောင်း ဂန့်ဂေါခရိုင် အမှတ် (၁၈) တပ်ရင်း Yaw National Revolution Force မှ ယနေ့ ၂၀၂၄ခုနှစ် စက်တင်ဘာလ (၂၃) ရက်နေ့တွင် သတင်းထုတ်ပြန်သည်။
အမှတ် (၁) စစ်ဒေသ ၊ ဂန့်ဂေါခရိုင် အမှတ် (၁၈) တပ်ရင်းသို့ ၂၀၂၄ ခုနှစ် စက်တင်ဘာလ (၉) ရက်နေ့တွင် စစ်ကောင်စီတပ်သား ထက်လင်းအောင်သည် MA-3 တစ်လက်၊ ကျည်ဘောက် တစ်ဘောက်၊ ၅.၅၆ ကျည် ၂၀ တောင့် နှင့်အတူ အလင်းဝင်ရောက်ခဲ့ခြင်းဖြစ်ပြီး အဆိုပါ အလင်းဝင်စစ်ကောင်စီတပ်သားအား Yaw National Revolution Force မှ စက်တင်ဘာလ (၁၆) ရက်နေ့တွင် ဂုဏ်ပြုဆုငွေ သိန်း (၅၀)ကျပ် ချီးမြှင့်ခဲ့ကြောင်း သိရသည်။
#TachileikNewsAgency
Photo: Yaw National Revolution Force - Htilin
