မကွေးတိုင်း ရေစကြိုမြို့နယ် မအူနယ်မြေရဲစခန်းကို တော်လှန်ရေးတပ်ဖွဲ့များက ယနေ့ ၂၀၂၄ ခုနှစ် သြဂုတ်လ (၂၄)ရက်နေ့တွင် အပြီးသတ်သိမ်းပိုက်ရရှိကြောင်း ရေစကြိုမြို့နယ် ပြည်သူ့ကာကွယ်ရေးတပ်ဖွဲ့ထံမှ သိရသည်။
ဇူလိုင်လ (၂၅)ရက်နေ့ကစတင်ကာ အဆိုပါရဲစခန်းကို ပိတ်ဆို့တိုက်ခိုက်ခဲ့ခြင်းဖြစ်ပြီး ယနေ့ နံနက်ပိုင်းတွင် အပြီးသတ်သိမ်းပိုက်နိုင်ခဲ့ခြင်းဖြစ်သည်ဟု ဆိုသည်။
တိုက်ပွဲအတွင်းမှ စစ်ကောင်စီတပ်၏ Jammer စက်ကြီးတစ်လုံး၊ M 79 တစ်လက်၊ ၆၀ မမ (၆)လုံး၊ အီနာဂါ (၄)လုံး၊ G 3 ကျည် (၂၈၀)တောင့်၊ ၉ မမ ကျည် (၅၀)တောင့်၊ ရှေ့ထွက်မိုင်း (၄)လုံး၊ မီးစက်တစ်ခု၊ ဘတ္ထရီ(၂)ခုနှင့် အခြားပစ္စည်းများကို သိမ်းဆည်းရရှိကြောင်း သိရသည်။
ထို့နောက် စခန်းကို မီးရှို့ဖျက်ဆီးပြီး ပြန်လည်ဆုတ်ခွာခဲ့ကြောင်း သိရသည်။
တိုက်ခိုက်မှုများကို ရေစကြိုမြို့နယ် ပကဖ၊ SSTF၊ မြိုင် ပကဖ၊ နွေဦးစစ်သည် ရေလည်ကျွန်းဒေသ၊ ပခုက္ကူခရိုင် အမှတ်(၉)တို့က ပူးပေါင်းတိုက်ခိုက်ခဲ့ခြင်းဖြစ်ကြောင်း သိရသည်။
#TachileikNewsAgency
