ထိုင်းအစိုးရက Visa Free ကာလကို ရက်(၃၀)မှ ရက်(၆၀)အထိ တိုးမြှင့်ပေးလိုက်သည့် နိုင်ငံပေါင်း(၉၃)နိုင်ငံရှိပြီး မြန်မာတစ်နိုင်ငံတည်းသာ အပြောင်းအလဲမရှိ (၁၄)ရက်သာ ထပ်မံသတ်မှတ်ခံရကြောင်း သိရသည်။
ထိုင်းအစိုးရက ခရီးသွားများအတွက် ပိုမိုအဆင်ပြေစေရန် ပြီးခဲ့သည့်ရက်ပိုင်းက Visa Free နှင့် Visa-on-arrival ရသည့်နိုင်ငံစာရင်းများကို ထုတ်ပြန်ရာ မြန်မာတစ်နိုင်ငံတည်းကိုသာ (၁၄) ရက်သတ်မှတ်ခဲ့ခြင်းဖြစ်သည်။
အမေရိကန်၊ ကနေဒါ၊ UKနှင့် ဂျပန်နိုင်ငံတို့မှာ ထိုင်းတွင် Visa မလိုဘဲ ရက်ပေါင်း(၆၀) နေထိုင်နိုင်ပြီး သက်တမ်းကုန်ဆုံးပါက နီးစပ်ရာ လူဝင်မှုကြီးကြပ်ရေးရုံးတွင် ရက်(၃၀) သက်တမ်းထပ်တိုးနိုင်ကာ ၂၀၂၄ ခုနှစ် ဇွန်လ(၁)ရက်နေ့ကစတင်၍ အသက်ဝင်ပြီဖြစ်သည်။
Visa-on-arrival ရသည့် နိုင်ငံကိုလည်း (၃၁)နိုင်ငံအထိ တိုးမြှင့်ပေးလိုက်ပြီး ၎င်းနိုင်ငံသားများသည် ထိုင်းနိုင်ငံသို့ရောက်ရှိချိန်တွင် (၁၅)ရက် Visa လျှောက်ထားနိုင်သည်ဟု သိရသည်။
ပြီးခဲ့သည့် ၂၀၂၂ ခုနှစ်အထိ မြန်မာနိုင်ငံသည် Visa Free (၄၅)ရက်ဖြင့် ထိုင်းနိုင်ငံသို့ လာရောက်လည်ပတ်ခွင့်ရရှိခဲ့သော်လည်း ၂၀၂၃ ခုနှစ်အတွင်း (၁၄)ရက်သာ ပေးတော့ခြင်းဖြစ်သည်။
#TachileikNewsAgency
