ချင်းပြည်နယ် ပလက်ဝမြို့နယ်အတွင်းရှိ ကျေးရွာများနှင့် စားနပ်ရိက္ခာ အခက်အခဲဖြစ်နေသူများအား အာရက္ခတပ်တော်(AA)နှင့် ပူးပေါင်း၍ HDCO/ULAတို့က သွားရောက်ကူညီထောက်ပံ့ပေးခဲ့ကြောင်း လူသားချင်းစာနာထောက်ထားရေးနှင့် ဖွံ့ဖြိုးရေးဆိုင်ရာ ပူးပေါင်းဆောင်ရွက်ရေးရုံး(HDCO)က ယနေ့ ၂၀၂၄ ခုနှစ် မေလ(၂)ရက်နေ့တွင် သတင်းထုတ်ပြန်သည်။

screenshot_2024-05-02_113316.png

ပလက်ဝမြို့နယ် ပလက်ချောင်းထဲ၌ရှိနေသော တွီကင်းဝကျေးရွာ၊ ဘောင်ကူဝကျေးရွာ၊ အထက်ဘောင်ဝီ‌ကျေးရွာ၊ အောက်ဘောင်ဝီကျေးရွာ၊ သက်ကြီးရွယ်အိုများနှင့် ကိုယ်လက်အင်္ဂါ ချွတ်ယွင်းနေသူများအပါဝင် စားနပ်ရိက္ခာ အခက်အခဲဖြစ်နေသူများအား ၂၀၂၄ ခုနှစ်၊ ဧပြီလ (၁)ရက်နေ့တွင် သွားရောက်ကူညီခဲ့သည်ဟု သိရသည်။

screenshot_2024-05-02_113500.png

ထို့အပြင် ဧပြီလ (၂၅)ရက်နေ့တွင်လည်း ပလက်ဝဒေသရှိ ကြက်ဥဝ‌ကျေးရွာ၊ ပလက်ချောင်းကျေးရွာတို့ရှိ စစ်ရှောင်ပြည်သူ အိမ်ထောင်စု (၇၀)အတွက် (Hygiene kit ၇၀) အသုံးအဆောင်ပစ္စည်းများကို HDCOမှ ထောက်ပံ့ပေးခဲ့သည်ဟု သိရသည်။

screenshot_2024-05-02_113544.png

၂၀၂၄ ခုနှစ်၊ ဧပြီလတွင် ပလက်ဝမြို့နယ်အတွင်းရှိ ကျေးရွာများသို့ သက်ကြီးရွယ်အိုများနှင့် စားဝတ်နေရေး အခက်အခဲဖြစ်နေသူများအား လူသားချင်းစာနာထောက်ထားရေးနှင့် ဖွံ့ဖြိုးရေးဆိုင်ရာ ပူးပေါင်းဆောင်ရွက်ရေးရုံး(HDCO)မှ စားနပ်ရိက္ခာ အပူတပြင်းလိုအပ်နေသည့် အိမ်ထောင်စု (၄၁)စုအတွက် ဆန်အိတ်(၂၀)ကို ကူညီထောက်ပံ့ပေးခဲ့သည်ဟု သိရသည်။

#TachileikNewsAgency

Photo: Humanitarian and Development Coordination Office