စစ်ကိုင်းတိုင်း မြောင်မြို့နယ်ရဲစခန်း အပါအဝင် ထွေအုပ်ရုံးနှင့် ဝန်ထမ်းအိမ်ယာရှိ စစ်တပ်စခန်းတို့ကို မနေ့က ၂၀၂၃ခုနှစ် ‌ဇွန်လ (၂၁)ရက်နေ့တွင် ဒေသကာကွယ်ရေးတပ်များက တိုက်ခိုက်ခဲ့ကြောင်း သိရသည်။

၎င်းနေရာများကို Shar Htoo WAW နည်းပညာတိုက်ခိုက်ရေး Fixed Wing Droneများ အသုံးပြု၍ Air Bomb (၉)လုံး၊ (၄၀)မမ ဗုံးသီး(၁၇)လုံး ၊ Rocket MSPDF ထုတ်(၈)လုံးနှင့် လက်နက်ငယ် ကျည်မျိုးစုံတို့ဖြင့် ပစ်ခတ်တိုက်ခိုက်ခဲ့ကြောင်း သိရသည်။

တိုက်ခိုက်မှုကို စစ်ကိုင်းခရိုင်အမှတ် ၄ တပ်ရင်း - MSPDF၊ Myaung Special Drone Foece-MSDF၊ မိတ္ထီလာခရိုင်အမှတ်(၂)တပ်ရင်း MHLG PDF၊ မြင်းခြံခရိုင်အမှတ်(၁) တပ်ရင်း၊ မြင်းခြံခရိုင်အမှတ်(၃)တပ်ရင်း၊ မြင်းခြံခရိုင်အမှတ်(၈) တပ်ရင်း၊ Burmese Guerrilla Force-BGF၊ T.G.Rနှင့် CHU PDFတို့မှ ပူးပေါင်း လုပ်ဆောင်ခဲ့ခြင်းဖြစ်ကြောင်း သိရသည်။

တိုက်ခိုက်မှုကြောင့် စစ်ကောင်စီတပ်သားများ ထိခိုက်သေဆုံးသူ ရှိခဲ့သည်ဟုလည်း Myaung Special Drone Force- MSDFက ယနေ့ ဇွန်လ (၂၂)ရက်နေ့တွင် သတင်းထုတ်ပြန်ထားသည်။

#TachileikNewsAgency

Video : Myaung Special Drone Force