ရှမ်းပြည်နယ်တောင်ပိုင်း၊ တောင်ကြီးမြို့၊ ရထားသံလမ်းအနီးရှိ ကင်းတဲကို တော်လှန်ရေးအဖွဲ့အစည်း တစ်ဖွဲ့က ယနေ့ မတ်လ(၂)ရက်နေ့ ည(၆)နာရီခွဲဝန်းကျင်တွင် လက်ပစ်ဗုံးဖြင့် ပစ်ခတ်တိုက်ခိုက်သွားကြောင်း သိရသည်။

ကင်းတဲဂိတ်ကို တော်လှန်ရေးအဖွဲ့အစည်း တစ်ဖွဲ့က လက်ပစ်ဗုံး (၂)လုံးဖြင့် ပစ်ပေါက် တိုက်ခိုက်သွားခြင်းဖြစ်ပြီး အဆိုပါ ဖြစ်စဉ်နှင့် ပတ်သက်၍ ထိခိုက်မှု အခြေအနေကို မသိရသေးကြောင်း TGI Support Revolution ၏ ဖော်ပြထားချက်အရ သိရသည်။

ယင်းဖြစ်စဉ် ဖြစ်ပွားပြီးနောက် ဧရာဝတီလမ်းဆုံ နှင့် အခြားနေရာများတွင်လည်း စစ်ဆေးမှုများ ပြုလုပ်နေပြီး စစ်ဆေးခံရသူများထံကနေ အရက်ဖိုး တောင်းခံမှုများရှိနေကြောင်းလည်း သိရသည်။