နယ်စပ်ဒေသ၊ တာချီလိတ်မြို့ ဆန်ဆိုင်း(က)ရပ်ကွက်အတွင်း ဆန်ဆိုင်းဟိုတယ်အနီးမှာ ဖွင့်လှစ်ထားတဲ့ နန်းရွှေကျင်း ရွှေဆိုင် အမှတ်(၃)မှာ ဒီနေ့ ၂၀၂၁ခုနှစ် ဇွန်လ(၂၂)ရက်နေ့ နံနက်(၁၀)နာရီ (၁၉)မိနစ်ဝန်းကျင်အချိန်က ရွှေဝယ်သူအဖြစ် ဟန်ဆောင်လာကြတဲ့ အမျိုးသမီးကြီးတစ်စုက ရွှေ(၂)ဘတ်သားစီရှိတဲ့ ရွှေဆွဲကြိုး (၂)ကုံးကို ဆိုင်က တာဝန်ရှိသူတွေ မသိအောင် ယူဆောင်သွားမှု ဖြစ်ပွားခဲ့ပါတယ်။
ယူဆောင်သွားတဲ့ ရွှေစုစုပေါင်း (၄)ဘတ်သားဟာ မြန်မာအခေါ်အဝေါ်ဆိုရင် (၃)ကျပ်သားနဲ့ (၁၁)ပဲဝန်းကျင်ရှိတယ်လို့ သိရပါတယ်။
