ရှမ်းပြည်နယ်တောင်ပိုင်းရှိ ပအိုဝ်းအမျိုးသားလွတ်မြောက်ရေးတပ်မတော်(PNLO)မှ ထုတ်ပယ်ခံရသည့် ဗိုလ်မှူးကြီး ခွန်ဥက္ကာသည် စစ်တပ်ဗိုလ်မှူးကြီးများနှင့်အတူ မွန်ပြည်နယ် သထုံမြို့နယ်တွင် ပြုလုပ်သည့် (၇၆) နှစ်မြောက် ပအိုဝ်းအမျိုးသားနေ့အခမ်းအနားကို တက်ရောက်သည်ဟု သိရသည်။

ပအိုဝ်းလူမျိုးအများစုနေထိုင်ရာ သထုံမြို့နယ် နောင်ကုလားကျေးရွာတွင်ပြုလုပ်သည့် (၇၆) နှစ်မြောက် ပအိုဝ်းအမျိုးသားနေ့ အခမ်းအနားကို ယနေ့ ၂၀၂၅ခုနှစ် မတ်လ (၁၃)ရက်နေ့ နံနက်ပိုင်းကပြုလုပ်ရာ စစ်ကောင်စီတပ်မှ ဗိုလ်မှူးကြီးများနှင့်အတူ တက်ရောက်နေသည်ကို တွေ့ရသည်။

ထို့နောက် နောင်ကုလားကျေးရွာရှိ ပအိုဝ်းအမျိုးသားဗိမာန်တွင် သံဃာအပါး(၁၀၀)ကို အာရုဏ်ဆွမ်းဆက်ကပ်ပြီး ဖွင့်ပွဲကို ဖဲကြိုဖြတ်ဖွင့်လှစ်ကာ ပအိုဝ်းအမျိုးသားအလံကို လွှင့်တင်သည်ဟု ဆိုသည်။

မွန်ပြည်နယ်ရှိ ပအိုဝ်းလူမျိုးများသည် မျိုးချစ်စိတ်အပြည့်ရှိသည့်အပြင် အမျိုးသားစည်းလုံးညီညွတ်ရေးအတွက် တစိုက်မတ်မတ် ကြိုးပမ်းနေကြသည်ဟုလည်း ဗိုလ်မှူးကြီး ခွန်ဥက္ကာပြောဆိုသွားသည်။

၎င်းနှင့်အတူ မွန်ပြည်နယ် တိုင်းရင်းသားလူမူရေးရာဝန်ကြီး ဦးခင်မောင်ဦးလည်းတက်ပြီး သထုံခရိုင်စီမံအုပ်ချုပ်ရေးအဖွဲ့ ဥက္ကဌတို့က မွန်ပြည်နယ်ဝန်ကြီးချုပ်၏ သဝဏ်လွှာကို ဖတ်သည်ဟု ဆိုသည်။

ဗိုလ်မှူးကြီး ခွန်ဥက္ကာသည် ပအိုဝ်းအမျိုးသားနေ့ အခမ်းအနားကို (NCA-S EAO) အဖွဲ့ဝင်တစ်ဦးဖြစ်ပြီး စစ်ကောင်စီနှင့်ပူးပေါင်းနေ၍ ပအိုဝ်းအမျိုးသားလွတ်မြောက်ရေးတပ်မတော်(PNLO)က ထုတ်ပယ်ထားခြင်းဖြစ်သည်။

#TachileikNewsAgency

Photo:Khun Thet Maung Maung