အာဏာသိမ်းစစ်ခေါင်းဆောင် မင်းအောင်လှိုင်၏ တရုတ်နိုင်ငံခရီးစဉ်ကို ဘာသာရေးအသင်းအဖွဲ့များက ဂုဏ်ယူကြောင်း ၂၀၂၄ခုနှစ် နိုဝင်ဘာလ (၁၁)ရက်နေ့က ထုတ်ပြန်ကြကြောင်း သိရသည်။

စစ်ခေါင်းဆောင်၏ ၂၀၂၄ ခုနှစ် နိုဝင်ဘာလ(၅)ရက်နေ့မှ (၁၀)ရက်နေ့အထိ တရုတ်နိုင်ငံ ခရီးစဉ်တွင် မြန်မာနိုင်ငံ၏ နိုင်ငံရေး၊ စီးပွားရေး၊ ပညာရေးကဏ္ဍများ ဖွံ့ဖြိုးတိုးတက်အောင် ဆွေးနွေးနိုင်ခဲ့သည်ဟုဆိုကာ ဘာသာရေးအဖွဲ့အစည်းများက ထုတ်ပြန်ကြခြင်း ဖြစ်သည်။ 

စစ်ခေါင်းဆောင်ကို မြန်မာ-တရုတ် ပူးပေါင်းဆက်ဆံရေးဗဟိုအသင်း၊ တရုတ်နွယ်ဖွား မြန်မာနိုင်ငံသားအသင်းအဖွဲ့များ၊ ဘာသာပေါင်းစုံချစ်ကြည်ညီညွတ်ရေးအဖွဲ့(ဗဟို)၊ လူမျိုးပေါင်းစုံညီညွတ်ရေးနှင့် အကျိုးဆောင်အဖွဲ့(ယာယီ)၊ မြန်မာနိုင်ငံ ဧဝံဂေလိခရစ်ယာန် မဟာမိတ်အဖွဲ့ချုပ်၊ ပြည်ထောင်စုမြန်မာနိုင်ငံ မက်သဒစ်အသင်းတော် (အောက်မြန်မာပြည်)၊ မြန်မာနိုင်ငံလုံးဆိုင်ရာ ဟိန္ဒူဘာသာရေးဗဟိုအဖွဲ့ချုပ်၊ မြန်မာနိုင်ငံလုံးဆိုင်ရာတမီလ်ဟိန္ဒူဖောင်ဒေးရှင်း(ဗဟို)နှင့် မြန်မာနိုင်ငံလုံးဆိုင်ရာအစ္စလာမ်ဘာသာရေးအဖွဲ့ ကြီးတို့က ဂုဏ်ယူဝမ်းမြောက်သည်ဟု ထုတ်ပြန်ထားခြင်းဖြစ်သည်။

အဆိုပါအဖွဲ့အစည်းများသည် စစ်ခေါင်းဆောင်နှင့် စစ်ကောင်စီတပ်တို့ လုပ်သမျှကို ဂုဏ်ယူဝမ်းမြောက်ကြောင်း နှင့် တော်လှန်ရေးအပေါ် ကန့်ကွက်ကြောင်း မကြာခဏ ထုတ်ပြန်လေ့ရှိသည်။

#TachileikNewsAgency