ရန်ကုန်တိုင်း စမ်းချောင်းမြို့နယ် ကျွန်းတောလမ်းပေါ်ရှိ ဘုန်းကြီးကျောင်းတစ်ကျောင်းမှ အုတ်တံတိုင်း ယနေ့ ၂၀၂၄ ခုနှစ် ဇူလိုင်လ (၂၇)ရက်နေ့ နံနက်ပိုင်းတွင် ပြိုကျကာ ကား(၈)စီးနှင့် ဈေးဆိုင် (၂)ဆိုင် ပျက်စီးသည်ဟု သိရသည်။
မိုးသည်းထန်စွာရွာသွန်းပြီး အုတ်တံတိုင်းပေ (၇၀)ဝန်းကျင်ခန့် ပြိုကျရာ လမ်းဘေးတွင် ရပ်ထားသည့် ကား(၈)စီးနှင့် လမ်းဘေးစျေးဆိုင်(၂)ဆိုင် အုတ်တံတိုင်းပိကာ ပျက်စီးသည်ဟု သိရသည်။
"ကား(၈)စီးမှာ (၃)စီးဘဲထုတ်နိုင်တယ်။ ကျန်တဲ့ကားတွေတော့ ပျက်တယ်။ လူထိခိုက်မှုမရှိဘူး။ ယာဥ်ကြောကတော့ တစ်လမ်းမောင်းဘဲ သွားလို့ရတယ်။"ဟု ဒေသခံတစ်ဦးက Tachileik News Agency ကိုပြောသည်။
လက်ရှိတွင် ရန်ကုန်မြို့အတွင်း သစ်ပင်များပြိုလဲခြင်း၊ ရေကြီး ရေလျှံခြင်းများဖြစ်နေပြီး တောင်ဥက္ကလာပမြို့နယ် ဝေဇယန္တာလမ်းမကြီးမှာ ရေမြှုပ်နေသဖြင့် ကားများပိတ်မိနေသည်ဟု သိရသည်။
#TachileikNewsAgency
Photo: CJ
