ပဲခူးတိုင်း ပြည်ခရိုင် ပေါင်းတည်မြို့နယ် သိမ်ကုန်းရွာမှ စစ်ကောင်စီလုံခြုံရေးယူပေးနေသည့် သိမ်ကုန်းအုပ်စု အုပ်ချုပ်ရေးမှုးအား ပစ်ခတ်ရှင်းလင်းကြောင်း ပြည်သူ့ကာကွယ်ရေးတပ်မတော် ၂၆၀၁ တပ်ရင်း တပ်ခွဲ (၄)ပေါင်းတည်မြို့နယ် ပြည်သူ့ကာကွယ်ရေးတပ်ဖွဲ့မှ ၂၀၂၄ခုနှစ် ဇူလိုင်လ (၅)ရက်နေ့တွင် သတင်းထုတ်ပြန်သည်။
ပေါင်းတည်မြို့နယ် သိမ်ကုန်းအုပ်စု အုပ်ချုပ်ရေးမှုးအား ဇွန်လ (၄)ရက်နေ့ ညနေ (၄)နာရီခွဲတွင် ပျဉ်ကြီးရွာနှင့် သိမ်ကုန်းရွာကြားတွင် ပြည်သူ့ကာကွယ်ရေးတပ်ဖွဲ့မှ ပစ်ခတ်ရှင်းလင်းခဲ့ခြင်းဖြစ်ကြောင်း သိရသည်။
အဆိုပါ အုပ်ချုပ်ရေးမှုးထံမှ ဆေးအိပ်တစ်လုံး၊ မှတ်ပုံတင်တစ်ခု၊ စစ်ကောင်စီနှင့်ဆက်သွယ်ထားသည့် ဖုန်းတလုံးတို့ကို သိမ်းဆည်းရရှိခဲ့ကြောင်း သိရသည်။
သိမ်ကုန်းအုပ်စု အုပ်ချုပ်ရေးမှူးသည် ပြည်သူ့ကာကွယ်ရေးတပ်ဖွဲ့မှ အုပ်ချုပ်ရေးမှူးအဖြစ်မှ နှုတ်ထွက်ပြီး ပြည်သူနှင့်ပူးပေါင်းရန် အကြိမ်ကြိမ်သတိပေးခဲ့သည့်ကြားမှ နှုတ်မထွက်ဘဲ စစ်ကောင်စီနှင့်ပူးပေါင်းပြီး ကျေးရွာလူထုအပေါ် အနိုင်ကျင့်ဗိုလ်ကျခြင်း၊ PDF ရဲဘော်များ၏ နေအိမ်များအား ဖျက်ဆီးခြင်းနှင့် ပစ္စည်းများ သိမ်းယူခြင်းတို့ကို လုပ်ဆောင်ခဲ့ကြောင်း သိရသည်။
ထို့အပြင် သိမ်ကုန်းတာဝါတိုင်စောင့် စစ်ကောင်စီတပ်ဖွဲ့ဝင်များအား တစ်လ (၂)ကြိမ် စားသောက်ဝိုင်းလုပ်ပေးခြင်းနှင့် စစ်ကောင်စီ၏ လက်နက်ခဲယမ်းများနှင့် စားသောက်ကုန်များအား ဝဲကြီးဆည်ရေလမ်းမှနေ၍ သယ်ဆောင်ပေးခြင်းတို့ကြောင့် ပစ်ခတ်ရှင်းလင်းရခြင်းဖြစ်ကြောင်း ပေါင်းတည်မြို့နယ် ပြည်သူ့ကာကွယ်ရေးတပ်ဖွဲ့မှ ဆိုသည်။
ပြည်ခရိုင်အတွင်း စစ်ကောင်စီလက်အောက်တွင် ဆက်လက်လုပ်ကိုင်နေသည့် အုပ်ချုပ်ရေးမှူးများကို ပြတ်သားစွာ အရေးယူဆောင်ရွက်သွားမည်ဖြစ်သဖြင့် အချိန်မှီနှုတ်ထွက်ပြီး ပြည်သူနှင့်ပူးပေါင်းကြရန် ပြည်ခရိုင်ပြည်သူ့ကာကွယ်ရေးတပ်မတော် ပေါင်းတည်မြို့နယ် ပြည်သူ့ကာကွယ်ရေးတပ်ဖွဲ့မှ အသိပေးထားသည်။
#TachileikNewsAgency
