အိန္ဒိယနိုင်ငံ ကီရာလာပြည်နယ် Idukki ခရိုင်ရှိ ဆာဖာရီဥယျာဥ်တစ်ခုတွင် ဆင်တစ်ကောင်က ဆင်ဦးစီးကို နင်းသတ်ခဲ့သည့် ဖြစ်စဥ် ဖြစ်ပွားခဲ့ပြီးနောက် သစ်တောဌာနက တရားမဝင် ဖွင့်လှစ်ထားသော အဆိုပါ ဆာဖာရီဥယျာဥ်ကို အမှုဖွင့်ပြီး လုပ်ငန်းရပ်တန့်ရန် ထုတ်ပြန်ခဲ့သည်။ 

ကီရာလာပြည်နယ် ကယ်လာမြို့ရှိ ဆင်များ မွေးမြူထားရှိသော Kerala Farm ပုဂ္ဂလိက ဆာဖာရီဥယျဥ်တွင် ၂၀၂၄ ခုနှစ် ဇွန်လ (၂၀) ရက်နေ့ ညနေ (၆) နာရီခွဲဝန်းကျင်၌ ဆင်တစ်ကောင်က နင်းသတ်မှုကြောင့် အသက် (၆၂) နှစ်အရွယ် ဆင်ဦးစီး ဘာလာခရှစ်နန် သေဆုံးခဲ့ကြောင်း တာဝန်ရှိသူများက ဆိုသည်။

ဒုတိယ ဆင်ဦးစီးဖြစ်သူ ဘာလာခရှစ်နန်က ဆာဖာရီဥယျာဥ်သို့ လာရောက်လည်ပတ်သော ခရီးသွားများ ဆင်စီးရန် ပြင်ဆင်စောင့်ဆိုင်းနေစဥ် ဆင်က ၎င်းကို နင်းသတ်ခဲ့ကြောင်း တာဝန်ရှိသူများက ဆိုသည်။ 

ခရီးသွားများမှာ ဆင် တိုက်ခိုက်ခံရမှုကနေ သီသီလေး လွတ်မြောက်သွားခဲ့ကြသည်။ 

အဆိုပါ ဖြစ်ရပ်ကို မှတ်တမ်းတင်ထားသည့်   ထိတ်လန့်စရာ CCTV ဗီဒီယိုတစ်ခု ဆိုရှယ်မီဒီယာပေါ် ပျံ့နှံ့လာခဲ့သည်။ 

 

သတင်းရင်းမြစ်များကို ကိုးကား၍ သတင်းဖော်ပြမှုများအရ Kerala Farm ဆာဖာရီဥယျာဥ်တွင် ခရီးသွားများ ဆင်စီး လည်ပတ်နိုင်ရန် ဆင် (၃၅) ကောင် မွေးမြူထားသော်လည်း ဆင် (၄) ကောင်ကိုသာ သက်ဆိုင်ရာဌာနတွင် တရားဝင် မှတ်ပုံတင်ထားကြောင်း သိရသည်။ 

ဆင်ဦးစီးကို နင်းသတ်ခဲ့သော ဆင်မှာ ယခင်ကလည်း ဆင်ဦးစီးကို ရန်လိုသည့် အပြုအမူ ပြသခဲ့ဖူးသည်ဟု ဆိုသည်။



ဗီဒီယို ကြည့်ရန် https://t.me/TachileikNewsAgency/51127

Source: The Hindu