BPLA တပ်တည်ထောင်ခြင်း (၃)နှစ်ပြည့်အခမ်းအနား KNLA ဒုစစ်ဦးစီးချုပ် စောဘောကျော်ဟဲနှင့် ရက္ခိုင့်တပ်တော် AA မှ ဗိုလ်ကြီး ကျော်ဇံတို့ တက်ရောက်

ဧပြီ 17, 2024 | 2021 Military Coup| အခြားဒေသများ

ဗမာပြည်သူ့လွတ်မြောက်ရေးတပ်တော်(BPLA) တပ်တည်ထောင်ခြင်း (၃)နှစ်ပြည့်အခမ်းအနားကို အမှတ်(၁၀၇)စစ်ဒေသတွင် ယနေ့ ၂၀၂၄ခုနှစ် ဧပြီလ (၁၇)ရက်နေ့တွင် ကျင်းပပြုလုပ်ခဲ့ပြီး မဟာမိတ်ခေါင်းဆောင်များဖြစ်သည့် ကရင်အမျိုးသားလွတ်မြောက်ရေးတပ်မတော်(KNLA) ဒုစစ်ဦးစီးချုပ် ဒုတိယဗိုလ်ချုပ်ကြီး စောဘောကျော်ဟဲနှင့် အာရက္ခတပ်တော်(Arakan Army) အမှတ် (၉၀၉) စစ်ဒေသမှ စခန်းမှုး ဗိုလ်ကြီး ကျော်ဇံတို့ တက်ရောက်ပြီး အားပေးစကားပြောခဲ့ကြောင်း BPLA၏ ထုတ်ပြန်ချက်အရသိရသည်။

439068158_412408304842377_5433513929205131196_n.jpg

အခမ်းအနားကို BPLA တပ်မှူးများ၊ အပတ်စဉ်(၆) သင်တန်းဆင်း ရဲဘော်များ ၊ အပတ်စဉ် (၇) စုဆောင်းရေးရဲဘော်များ၊ မဟာမိတ်ခေါင်းဆောင်များ နှင့် ဖိတ်ကြားထားသည့် ဧည့်သည်တော်များ တက်ရောက်ခဲ့ပြီး ရဲဘော်အများစုသည် ရှေ့တန်းစစ်မြေပြင်အသီးသီးတွင် တာဝန်ထမ်းဆောင်နေကြရသည့်အတွက် မတက်ရောက်နိုင်ခဲ့ကြောင်း ထုတ်ပြန်ချက်တွင်ဖော်ပြထားသည်။