တမူးမြို့နယ်တွင် စစ်ကောင်စီပူးပေါင်း SNAတပ်ကို ကြားဖြတ်တိုက်ခိုက်ရာ လက်နက်ခဲယမ်းတချို့ တော်လှန်ရေးတပ်များရရှိ
စစ်ကိုင်းတိုင်း တမူးမြို့နယ်၌ ပြီးခဲ့သည့် ၂၀၂၃ခုနှစ် ဒီဇင်ဘာလ (၂၆)ရက်နေ့က စစ်ကောင်စီတပ်နှင့် တော်လှန်ရေးတပ်များ တိုက်ပွဲဖြစ်ပြီး စစ်ကောင်စီတပ်ထံမှ လက်နက်ခဲယမ်းများ သိမ်းဆည်းရရှိခဲ့ကြောင်း တော်လှန်ရေးတပ်များထံမှ သိရသည်။
တမူးမြို့နယ် အောင်ဇေယျ ဟုမ္မလင်းလမ်း၌ စစ်ကောင်စီတပ်မှ ဗိုလ်မှူး ဝင်းမင်းထွန်း (ဒု-တပ်ရင်းမှူး) ဦးစီးသော ခမရ(၃၀၉)၊ SNAနှင့် ပျူစောထီး ပူးပေါင်းအင်အား (၃၅)ဦးကို တော်လှန်ရေးတပ်များက တိုက်ခိုက်ခဲ့ခြင်းဖြစ်ကြောင်း သိရသည်။
တိုက်ခိုက်မှုကြောင့် စစ်ကောင်စီတပ်ဘက်က (၅)ဦးသေဆုံးပြီး လက်နက်ငယ် (၆)လက်၊ ဗုံးသီး (၃၁)လုံး၊ ကျည်မျိုးစုံ (၂၃၀၀)ကျော် သိမ်းဆည်းရရှိခဲ့သည်ဟု သိရသည်။
#TachileikNewsAgency
