ကရင်ပြည်နယ် ကော့ကရိတ်မြို့နယ်ခန်းမတွင် ယမန်နေ့ ၂၀၂၃ခုနှစ် ဩဂုတ်လ (၂၈)ရက်နေ့က စစ်ကောင်စီတပ်ဖွဲ့များ အစည်းအဝေးပြုလုပ်နေစဉ် တော်လှန်ရေးတပ်များက လက်နက်ကြီးဖြင့် ပစ်ခတ်တိုက်ခိုက်ခဲ့ကြောင်း သိရသည်။ 

အဆိုပါစစ်ကောင်စီတပ်များ အစည်းအဝေးပြုလုပ်နေသည့်နေရာကို အာရှလမ်းမကြီးအနီးမှ ပစ်ခတ်ခဲ့ခြင်းဖြစ်ပြီး အစည်းအဝေးကျင်းပရာနေရာသို့ ထိမှန်ခဲ့ကာ အစည်းအဝေးလည်း ပိတ်သိမ်းလိုက်ရကြောင်း Daw Na Column-တောင်ပိုင်းစစ်ဒေသက ယနေ့ ဩဂုတ်လ (၂၉)ရက်နေ့တွင် သတင်းထုတ်ပြန်ထားသည်။

၎င်းစစ်ဆင်ရေးအား တောင်ပိုင်းစစ်ဒေသ ဒု-စစ်ဒေသမှူး (၂)၏ ကွပ်ကဲမှုအရ ဆောင်ရွက်ခဲ့ခြင်းဖြစ်ပြီး ဒေါနစစ်ကြောင်း၏ လက်နက်ကြီးတပ်စု၊ ချေမှုန်းရေး၊ Droneနှင့် ဖောက်ခွဲ‌ရေး တပ်ဖွဲ့ဝင်များ ပါဝင်သည့် ပူးပေါင်းအင်အား (၂၀)ကျော်က ပစ်ခတ် တိုက်ခိုက်ခဲ့ခြင်းဖြစ်ကြောင်း သိရသည်။

#TachileikNewsAgency

ရုပ်သံ Video File ကြည့်ရှုရန် : https://t.me/TachileikNewsAgency/42423