ပဲခူးတိုင်း၊ ဒိုက်ဦးမြို့နယ်၊ ဝါဂါမဏိကျေးရွာရှိ စစ်အုပ်စုပိုင် မိုင်တဲတာဝါတိုင် မိုင်းခွဲခံရသဖြင့် လာရောက်စစ်ဆေးသည့် စစ်ကောင်စီယာဉ်တန်း ယနေ့ ၂၀၂၃ခုနှစ် ဩဂုတ်လ (၁၃)ရက်နေ့ နံနက်ပိုင်းတွင် ထပ်မံမိုင်းခွဲတိုက်ခိုက်ခံခဲ့ရကြောင်း သိရသည်။

ယမန်နေ့ည(၉)နာရီခွဲကျော်က ဝါဂါမဏိကျေးရွာရှိ စစ်အုပ်စုပိုင် မိုင်တဲတာဝါတိုင်ကို Soul Takers Yangon Underground Forceအဖွဲ့နှင့် 9 Stars UGအဖွဲ့တို့ပူးပေါင်းပြီး မိုင်းဆင်ဖောက်ခွဲခဲ့ရာ ယနေ့နံနက်ပိုင်းတွင် စစ်ကောင်စီတပ်သားများ လာစစ်သည်ကို ထပ်မံစောင့်ဆိုင်း၍ စစ်ကောင်စီယာဉ်တန်းအား ထပ်မံမိုင်းခွဲတိုက်ခိုက်ခဲ့ခြင်းဖြစ်ကြောင်း သိရသည်။

အဆိုပါတိုက်ခိုက်မှုကြောင့် စစ်ကောင်စီတပ်ဘက်က ကားတစ်စီးထိခိုက်သွားပြီး တော်လှန်ရေးရဲဘော်များ ပြန်လည်ခွါလာရခဲ့ရခြင်းကြောင့် စစ်ကောင်စီစစ်တပ်ဘက်က ထိခိုက်သေဆုံးမှုအခြေအနေကို မတည်မပြုနိုင်ဘဲ စစ်ကောင်စီတပ်များက ရမ်းသမ်းပစ်ခတ်နေခဲ့သည်ဟု ဆိုသည်။

#TachileikNewsAgency

Photo : မိုင်းခွဲခံရသည့် တာဝါတိုင်