မန္တလေးတိုင်း မြင်းခြံမြို့နယ် ကြည်ရွာကျေးရွာတွင် တပ်စွဲထားသည့် စစ်ကောင်စီတပ်သား(၂)ဦး ၂၀၂၃ခုနှစ် ဇွန်လ(၁၀)ရက်နေ့ နံနက်ပိုင်းတွင် ကြည်ရွာမှ ဆီမီးခုံမြို့သို့ ဆိုင်ကယ်ဖြင့်လာစဉ် ဒေသကာကွယ်ရေးတပ်က ပစ်ခတ်ခဲ့ရာ နှစ်ဦးလုံး သေပြီး လက်နက်သိမ်းဆည်းရရှိခဲ့ကြောင်း သိရသည်။
အဆိုပါစစ်ကောင်စီတပ်သားနှစ်ဦးကို နောင်ရိုးအထူးပြောက်ကျားတပ်-NYSGF အဖွဲ့မှ အသင့်စောင့်၍ ပစ်ခတ်ခဲ့ခြင်းဖြစ်ပြီး MA1တစ်လက်၊ ၅.၅၆ ကျည်(၁၆)တောင့်နှင့် ဖုန်း(၁)လုံးတို့ကို သိမ်းဆည်းရရှိခဲ့သည်ဟု နောင်ရိုးအထူးပြောက်ကျားတပ်-NYSGFက ယနေ့ဇွန်လ(၁၁)ရက်တွင် သတင်းထုတ်ပြန်သည်။
အဆိုပါတိုက်ခိုက်မှုကို မြင်းခြံခရိုင်တပ်ရင်းအမှတ်(၆)တပ်ခွဲ(၁) နောင်ရိုးအထူးပြောက်ကျားတပ်-NYSGF၊ ဇာမဏီပြောက်ကျားတပ်ဖွဲ့ (ငါန်းဇွန်)၊ MyinGyan MP-9 အဖွဲ့တို့မှ ပူးပေါင်း လုပ်ဆောင်ခဲ့ခြင်းဖြစ်ကြောင်း သိရသည်။
#TachileikNewsAgency
