ကချင်ပြည်နယ်၊ ဟိုပင်မြို့နယ်တွင် ထိုးစစ်ဆင်လာသည့် အကြမ်း  ဖက်စစ်ကောင်စီတပ် အင်အား(၃၀၀)နှင့် တိုက်ပွဲဖြစ်ပွားပြီး စစ်ကောင်စီတပ်သား(၃၀)သေကာ PDF (၅)ဦးသည် ပြန်လည်ခုခံတိုက်ခိုက်ရင်း ကျဆုံးခဲ့ရကြောင်း ဟိုပင်ပြည်သူ့ကာကွယ်ရေးတပ်(KPDF-Hopin)က မတ်လ(၂၅)ရက်နေ့တွင် သတင်းထုတ်ပြန်လာသည်။

မတ်လ(၁၉)ရက်နေ့ကစတင်ပြီး ထိုးစစ်ဆင်နေသည့် အကြမ်းဖက်စစ် ကောင်စီတပ်နှင့် တိုက်ပွဲရက်ဆက်ဖြစ်ကာ အထိနာသည့် အကြမ်း ဖက်စစ်ကောင်စီတပ်က ‌လက်နက်ကြီးနှင့်အပြင် လေကြောင်းဖြင့်ပါ ဗုံးကြဲတိုက်ခိုက်ခဲ့ခြင်းဖြစ်ကြောင်း သိရသည်။

အကြမ်းဖက်စစ်ကောင်စီတပ်များက ထိုးစစ်ဆင်နေသဖြင့် မြေပြင်ရှိပြည်သူများအနေဖြင့် စစ်ကောင်စီတပ်သားများ၏ မြေပြင်လှုပ်ရှားမှုသတင်းများကို အချိန်နဲ့တပြေးညီ Kachin Region People Defense Force - KPDF - Hopin ၏ Page Messenger တွင် လာရောက်သတင်းပေးကာ ကူညီကြရန် တိုက်တွန်းထားသည်။

ပေးပို့ရမည့်အချက်များမှာ စစ်ကောင်စီတပ်သားအင်းအား၊ စစ်ကောင်စီတပ်သားများသွားလာလှုပ်ရှားမှု၊ စစ်ကောင်စီတပ်သားများ ၏ ရိက္ခာအထုတ်အပိုးသွင်ပြင်ပုံစံ၊ စစ်ကောင်စီတပ်သားများ၏ လှုပ်ရှားမှုပုံစံတို့ကို သတင်းပေးကြပါရန် မေတ္တာရပ်ခံထားခြင်းဖြစ်သည်။

 

မတ်လ(၂၀)ရက်နေ့ကလည်း စစ်ကြောင်းထိုးနေသည့် အကြမ်းဖက်စစ်ကောင်စီတပ်ကြောင့် နန့်ရင်းချောင်းတစ်ဖက်ကမ်း အရှေ့တောင် ဘက်သို့ ပြည်သူများမလာကြရန် မေတ္တာရပ်ခံခဲ့သေးသည်။