မကွေးတိုင်း၊ ပခုက္ကူမြို့နယ်၊ ဂဝံလေးတိုင်‌ကျေးရွာစာသင်ကျောင်း အတွင်း တပ်စွဲထားသည့် အကြမ်းဖက်စစ်ကောင်စီတပ်ဖွဲ့ကို ယနေ့ မတ်လ(၂၁)ရက်နေ့တွင်  ပြည်သူ့ကာကွယ်ရေးတပ်များက ဝင်ရောက် တိုက်ခိုက်ခဲ့ကြောင်း သိရသည်။

အင်အား(၃၀)ဝန်းကျင်တပ်စွဲထားသည့် ၎င်းစစ်ကောင်စီတပ်ကို PPDF တပ်ဖွဲ့၊ Myint Chay-Kyun Chaung Defense Force MC-KCDF၊ King Fighterနှင့် ပေါက်မဟာမိတ် တပ်ဖွဲ့တို့ ပူးပေါင်းကာ ဝင်ရောက်တိုက်ခိုက်ခဲ့ရာ (၁)နာရီကျော်ကြာ တိုက်ပွဲပြင်းထန်ခဲ့ကြောင်း သိရသည်။ 

ယင်းတိုက်ပွဲကို စစ်ကူပေးရန်လာသည့် အကြမ်းဖက်စစ်ကောင်စီယာဉ်တစ်စီးကိုလည်း ပခုက္ကူမြို့နယ် ဆီကောင်း-ဂဝံလေးတိုင် လမ်းပိုင်းတွင် ထပ်မံမိုင်းဆွဲတိုက်ခိုက်ခဲ့ကြောင်း သိရသည်။

ယင်းတိုက်ပွဲအတွင်း စစ်ကောင်စီတပ်မှ(၆)ဦး‌သေပြီး ပြည်သူ့ကာကွယ်ရေးတပ်ဘက်မှ တစ်ဦးဒဏ်ရာရ(မစိုးရိမ်ရ)ရှိခဲ့ကြောင်း ထုတ်ပြန်ထားသည်။

#TachileikNewsAgency